أكد شقيق مطرب المهرجانات مسلم عن عدم وجود اتصال بينه وبين شقيقه المطرب المعروف وذلك بعد الشهرة الواسعة التي حققها مؤخراً في المجال الفني.
قائلاً خلال حواره الخاص لـ موقع «أوان مصر» الإخباري: «أنا وضعي على باب الله، بيتي على قد حاله وشغال باليومية والحياة صعبة، أنا حتى معنديش حتى تلاجة أشرب منها ماية ساقعة، وكل اللي أنا عاوزه هو حقي من الورث، وهو لو قالي أزيك هيبقى يوم عيد عندي، ودي صلة رحم لازم نتكلم ونسأل عن بعض، وأنا مش بكره بالعكس أنا بدعيله».
شقيق مسلم: بعد ما أشتغل في الفن بقى يكنسل عليا وأتغير معانا
متابعاً: «وأخر مرة شفته فيها كان في 2019 يوم عزاء والدنا، وقتها جه يوم واحد وميشي، ومكنش في أي مشاكل، وبقيت اكلمه يكنسل عليا لما عرف أن ده رقمي، وأنا مش عاوز منه حاجة أنا عاوز حقي ونتصالح وننسى المحاكم والقضايا اللي ما بينا».
وفي ذات الحوار، قال: «مسلم اتغير بعد ما وصل للفن ومفيش أي تواصل بينا، ونفسي أخد حقي قالي تعالى مدينتي، وأنا في مدينتي، وبعدين بقى يكنسل عليا، وبعدين عملي حظر، وده اللي ضايقني منه».
مستكملاً يحيى شقيق مؤدي المهرجانات مسلم: «أنا نفسي أحضنه وأسلم عليه والناس مش مصدقة أنه اخويا، علشان ملناش صور مع بعض، ومش بيكلمني، ولو طلب مني اتنازل وهيديني حقي هتنازل، لأن ده أخويا، وانا مش هسيب حقي لو جنيه واحد، وانا مش عاوز قضايا، وهو عارف ظروفي ايه، ومش عايز منه أي حاجة تاني».