تحدث شقيق مطرب المهرجانات مسلم عن بداياته في الفن، قائلا: «كان بيطلع على كتفي وهو صغير علشان يغني، والناس كانت بتتفرج علينا من البلكونات، وكنت فخور بيه جداً».
مضافًا خلال حواره الخاص لـ موقع «أوان مصر» الإخباري: «مسلم في بداياته كان بيتكلم كتير أنه أول ما يتشهر هيخلي مسوانا المادى أحسن، وهيعيشنا عيشة كويسة، وهرفعكم لكن أول ما أشتهر محدش شافه، وبقى مبيرودش على أي واحد من أخواته ولا عليا، وهو من زمان غاوي غناء وكان بيغني على التليفون».
شقيق مسلم: أبويا لما جاله جلطة كنت أنا اللي شايله وفي الآخر اتحرمت من الميراث
متابعاً: «وأخر مرة شفته فيها كان في 2019 يوم عزاء والدنا، وقتها جه يوم واحد وميشي، ومكنش في أي مشاكل، وبقيت اكلمه يكنسل عليا لما عرف أن ده رقمي، وأنا مش عاوز منه حاجة أنا عاوز حقي ونتصالح وننسى المحاكم والقضايا اللي ما بينا».
وسرد شقيق مطرب المهرجانات مسلم عن طفولته القاسية التي عاشها، قائلاً: «اتحرمت من أبويا 17 سنة.. وكان عايش مع والدة مسلم في طهطا، وأمي كانت رافعة على أبويا قضية من 17 سنة، وكان بيطلعلنا 500 جنيه في الشهر، وقبل وفاة والدي، بلغ أخويا مسلم، أنه أشترى لينا بيت في طهطا، وأنا أولى بكل جنيه، الحياة بقت صعبة والحياة كلها التزامات ومسؤوليات، وأبويا لما جاله جلطة كنت أنا اللي شايله وفي الآخر اتحرمت من الميراث».
شقيق مسلم: بعد ما أشتغل في الفن بقى يكنسل عليا وأتغير معانا
وفي ذات الحوار، قال: «اتغير بعد ما وصل للفن ومفيش أي تواصل بينا، ونفسي أخد حقي قالي تعالى مدينتي، وأنا في مدينتي، وبعدين بقى يكنسل عليا، وبعدين عملي حظر، وده اللي ضايقني منه».
مستكملاً يحيى شقيق مؤدي المهرجانات مسلم: «أنا نفسي أحضنه وأسلم عليه والناس مش مصدقة أنه اخويا، علشان ملناش صور مع بعض، ومش بيكلمني، ولو طلب مني اتنازل وهيديني حقي هتنازل، لأن ده أخويا، وانا مش هسيب حقي لو جنيه واحد، وانا مش عاوز قضايا، وهو عارف ظروفي ايه، ومش عايز منه أي حاجة تاني».
أكد شقيق مطرب المهرجانات مسلم عن عدم وجود اتصال بينه وبين شقيقه المطرب المعروف وذلك بعد الشهرة الواسعة التي حققها مؤخراً في المجال الفني، معلقاً: «أنا وضعي على باب الله، يوم في شغل و10 لأ.. ومش طالب من أخويا غير شرع الله، ده أنا حتى معنديش حتى تلاجة أشرب منها ماية ساقعة، وكل اللي أنا عاوزه هو حقي من الورث، وهو لو قالي أزيك هيبقى يوم عيد عندي، ودي صلة رحم لازم نتكلم ونسأل عن بعض، وأنا مش بكرهه بالعكس أنا بدعيله، ولما بقول لجيراني أن مسلم مطرب المهرجانات أخويا مش بيصدقوني».
مختتماً يحيى شقيق مؤدي المهرجانات مسلم حديثه لـ موقع «أوان مصر» الإخباري: «أنا نفسي أحضنه وأسلم عليه والناس مش مصدقة أنه اخويا، علشان ملناش صور مع بعض، ومش بيكلمني، ولو طلب مني اتنازل وهيديني حقي هتنازل، لأن ده أخويا، وانا مش هسيب حقي لو جنيه واحد، وانا مش عاوز قضايا، وهو عارف ظروفي ايه، ومش عايز منه أي حاجة تاني».