كشف شقيق مطرب المهرجانات مسلم عن أزمته مع شقيقه، وتحدث عن إهمال مؤدي المهرجانات مسلم لأشقائه عقب شهرته، وذلك خلال حواره لـ موقع أوان مصر الإخباري.
وقال: «بيعمل حفلات ويطلع في التلفزيونات يغني ويظهر في البرامج، وأنا معنديش تلاجة في بيتي، وظهر في البرامج ومقالش أنه عنده أخوات في جرجا، وانا بفتخر بيه وبقول للناس أن مسلم أخويا لأني بحبه، لكن هو نسي أهله وناسه».
شقيق مسلم: بعد ما أشتغل في الفن بقى يكنسل عليا وأتغير معانا
متابعاً: «مسلم اتغير بعد ما وصل للفن ومفيش أي تواصل بينا، ونفسي أخد حقي قالي تعالى مدينتي، وأنا في مدينتي، وبعدين بقى يكنسل عليا».
مستكملاً يحيى شقيق مؤدي المهرجانات مسلم: «أنا نفسي أحضنه وأسلم عليه والناس مش مصدقة أنه اخويا، علشان ملناش صور مع بعض، ومش بيكلمني، ولو طلب مني اتنازل وهيديني حقي هتنازل، لأن ده أخويا، وانا مش هسيب حقي لو جنيه واحد، وانا مش عاوز قضايا، وهو عارف ظروفي ايه، ومش عايز منه أي حاجة تاني».