علق مطرب المهرجانات الشهير مسلم، على لقاء أوان مصر مع الشاب يحيى الذي ادعى أنه شقيق المطرب الشهير والذي أكد خلاله تهرب مسلم منهم ورفضه إعطاءه حقه الشرعي في ميراثه من والده.
وقال مسلم في تصريحات خاصة لـ أوان مصر: «مليش أخ اسمه يحيى وعندي 4 أخوات عايشين معايا في القاهرة».
وأضاف مسلم: «معرفش ليه في حد يطلع يدعي أنه أخويا.. في ناس مريضة بتدعي أكاذيب، وأنا أبويا مسبقش له الزواج غير من أمي».
كانت أوان مصر انفردت بـ لقاء حصري لها مع شاب يدعى يحيى زكريا، أكد أنه شقيق مطرب المهرجانات الشهير مسلم من الأب.
وقال يحيى في تصريحات خاصة لـ«أوان مصر» إن شقيقه مطرب المهرجانات الشهير مسلم يتهرب منه من وقت طلب حصوله على حقه في ميراثه من والده.
وأضاف يحيى أن مؤدي المهرجانات مسلم لا يسأل عنهم ولا عن أخوته في الصعيد، مؤكدًا أنه قام بحرمانهم من الميراث.
وتابع: «مفيش أي تواصل بينا خالص مع أنه عارف تليفوني.. لما بقول لجيراني أن مسلم مطرب المهرجانات أخويا مش بيصدقوني».
واستكمل: «آخر مرة شوفت أخويا يوم عزاء أبويا ومن ساعتها معرفش عنه أي حاجة.. أبويا أتوفى في 2019 وكان يملك عربية ملاكي وبيوت وأنا مش عاوز غير حقي».
وأكد يحيى شقيق مطرب المهرجانات مسلم أنه سيلجأ للقضاء للحصول على حقه في ميراث والده، معقبا: «هلجأ للقضاء ضد أخويا المطرب مسلم علشان أخد منه حقي في ميراث أبويا.. وكتر غيره المستشار أيمن محفوظ واقف معايا وماشي في الإجراءات القانونية».
وقال: «مسلم اتغير بعد ما وصل للفن ومفيش أي تواصل بينا، ونفسي أخد حقي قالي تعالى مدينتي، وأنا في مدينتي، وبعدين بقى يكنسل عليا».
وأضاف: «أنا نفسي أحضنه وأسلم عليه والناس مش مصدقة أنه اخويا، علشان ملناش صور مع بعض، ومش بيكلمني، ولو طلب مني اتنازل وهيديني حقي هتنازل، لأن ده أخويا، وانا مش هسيب حقي لو جنيه واحد، وانا مش عاوز قضايا، وهو عارف ظروفي ايه، ومش عايز منه أي حاجة تاني».