تحدتث مطرب المهرجانات مسلم، على عمله وهو بعمر 18 عامًا، وأكد أنه كان مسؤول عن الجامع، واستمر في هذا العمل لمدة 3 سنوات قبل اتجاهه للغناء.
وقال خلال حلقته في برنامج أسرار المذاع عبر شاشة النهار والذي تقدمه الإعلامية أميرة بدري: لما كان 15 سنة، كنت مسؤول عن جامع وبفتح المسجد وبأذن في المسجد لمدة تلات سنين بشكل متواصل، وكنت ملتزم ومتدين، ولكن أنا كنت مكتشف أن صوتي حلو من قبل ما أذن.
مضافا: كنت بحب الغناء وبغني من وأنا 8 سنين، ولكن وابتديت أأذن وأكون مسؤول عن الجامع اللي جمب بيتي وافتحه للناس من سن 15 سنة ولحد ما كان عمري 18 سنة مسؤول عن الجامع، وكانت فترة جميلة واللي خلاني ارجع اغني لأني كنت بحب موهبتي اوي وصوتي بقى كويس بسبب تجويد القرآن لأنه بيحسن الصوت.
مسلم: تعبت واتمرمطت علشان أغني
مستكملاً حديثه عن بدايته، قائلا: تعبت واتمرمطت أوي عشان أرجع أغني وكان حلمي اوصل بموهبتي لهدف أقول اني هوصل وهعمل ده، بغض النظر عن تقديمي للقرآن، ومبقتنعش بكلام الشيوخ أن الغناء حرام والدين بتاعنا ده دين الأخلاق وربنا هيحاسب كل واحد على نواياه.
مختتماً: ممكن أصلي ولكن في حاجات بتفوتني ومش ملتزم زي الأول وان شاء الله ربنا يهديني وأرجع تاني التزم، ومتقطع في الصلاة بسبب شغلي غصب عني لاني ملتزم في حاجات كتير لازم اعملها زي وبنود عقود لازم اعملها وفي حاجات كتير بتسحلني وكفاية اللي انا فيها حوار الجواز والخطوبة