كشف الفنان محمد نجاتي كواليس مسلسل “فيلا 101″، واوضح اسباب خلافات منة عرفة وزوجها محمود المهدي بسبب مشاهدها معه.
محمد نجاتي يكشف كواليس أزمة منة عرفة
وصرح خلال حواره مع الإعلامية راغدة شلهوب في برنامج “نص الكلام” الذي يعرض عبر قناة النهار، قائلاً: “منة قالت أنا مش هتشال، وقالت أنا كاتبة كتابي ومش هينفع أعمل كده، أنا كبرت للحكاية، وقدرت فكرة إنها متجوزة وممكن يكون جوزها بيغير، وأنا كراجل مقبلش حد يشيل مراتي، فأعمل إيه؟ مراتي متمثلش”.
وأضاف قائلاً: “لقيت تصريح على لسان جوزها بيقول أنا السبب في طلاقهم، ولما لقيت اسمي موجود استأت جدا، وفي نفس اليوم لقيت ولادي بيسألوني لأن المدرسة كلها بتقول أبوهم كان سبب طلاق منة، ولقيت مراتي بتسألني عايزة تعرف المشاهد دي فيها إيه”.