نشرت الفنانة منى فاروق في الساعات الماضية مقطع فيديو لها، وهي بتوجه رسالة إلى الفنان تامر حسني، عبر حسابها الخاص بموقع التواصل الإجتماعي تيك توك.
وقالت منى فاروق في الفيديو التي نشرته: «أنا عايزاكم تسجلوا اللايف بالله عليكم، النهاردة أول يوم العيد، أنا ساكتة بقالي فترة كبيرة وبحاول أوصل لتامر حسني نجم الجيل بقالي شهور وبقالي أكتر من كام سنة، وكل ما أعمل فيديو وأقول المحاولة دي هتنجح مبتنجحش فإن شاء الله الفيديو ده ينجح، احنا في أيام مفترجة».
متابعة: «رسالة لنجم الجيل تامر حسني مباشرة لو سمحت أنا عايزة أشوفك، لو سمحت أنا عايزة أشتغل معاك قابلني واتكلم معايا وشوفني أنا مؤهلة أخد دور عندك في فيلم من أفلامك ولا لا ووالله لو مش مناسبة مش هزعل بس أبقى حاولت، وأنا عندي إيمان أن الباب ده هيتفتح».
منى فاروق: أنا بقيت منبوذة من كل الناس
وكانت قد حرصت الفنانة منى فاروق على التعليق على قرار اعتزالها، مشيرة الى أنها تريد العمل في الفن بشدة، وذلك من خلال منشور عبر حسابها الشخصي على موقع تبادل الصور والفيديوهات القصيرة إنستجرام .
وكتبت منى فاروق خلال خاصية ستوري: مساء الخير.. الكلام اللي بقوله دا خارج خالص عن فكرة أني أخد التريند، واعمل زي أي حد.. أنا قولت اعتزلت الفن لسبب واحد.. دا مصدر رزقي الوحيد اللي أنا بحبه وعاوزة اشتغله، لكن لما أوصل لمرحلة أني مش عارفة ادفع إيجار بيتي.. حاجة تتعب.. أنا محتاجة اشتغل عشان أعيش زي أي بني آدمة طبيعية.
وأضافت: أنا غلطت وربنا بيسامح ليه البني آدمين مش عاوزين يسامحه.. أنا بسمع بودني لا بلاش منى عشان الفيلم والمسلسل ميتضرش، ليه ياربي أنا بقيت منبوذة من كل الناس، أنا مش طالبة غير أني اشتغل في الحاجة اللي بحبها عشان أعرف أعيش.. المجتمع حططني في المكان الوحش بس مش يمكن عاوزة أبقى كويسة زي أي واحدة، ليه بتقفلوها قدامي.