حل الفنان أحمد حلمي ضيفًا على تليفزيون دبي، وتحدث عن تفاصيل أعماله الفنية في الفترة المقبلة وتفاصيل علاقته بالفنانة منى زكي والنجم الذي يفضل أن تقف أمامه في عمل فني.
وقال أحمد حلمي: «مبحبش المقالب ولا بحب أعملها ولا بحب أشارك فيها أو اتفرج على حد بيعمل مقلب في حد لأنه بيصعب عليا فأنا بعيد عن الكلام ده كله تماماً».
أما عن علاقته بـ الفنانة منى زكي، فقال: «مراتي دي ست كمل والله العظيم وقابلة بكل حاجة دي حتى مبتحبش البرد وبقينا ننام واحنا فاتحين التكييف على 16 عادي ومعندهاش مشكلة في ده، وشكل خلافنا أنا ومنى زكي اختلف دلوقتي أنا الخناقة ما بقتش تطول وبعدين بنتصالح على طول، واحيانا بحس إني ببقي غلطان لإني ممكن أكون ما قدرتش الوقت اللي بتخانق فيه».
أحمد حلمي: كريم عبد العزيز الكاريزما ما بينه وبين منى زكي في التمثيل حلوة
وعن أكثر ممثل يفضل أن تقف زوجته الفنانة منى زكي أمامه، علق حلمي: «كريم عبد العزيز بحسه الكاريزما بينهم في التمثيل حلوة».
وأعلن أحمد حلمي في نفس الحلقة عن تعاونه مع الفنانة منى زكي في عمل فني واحد، وأضاف: «قريبا هتشوفونا قريب في فيلم تراجيدي بلاك كوميدي هينزل في رأس السنة أن شاءالله لو لحقنا».