حل مطرب المهرجانات مسلم ضيفًا في برنامج” أسرار” مع الإعلامية أميرة بدر المذاع عبر شاشة قناة النهار، وكشف لأول مرة سبب طلاقه عن ميكا البغدادي بعد زواج دام عام ونصف عام، إلى جانب سبب خطبته مؤخرًا بعد فترة قصيرة من طلاقه.
وقال مسلم في حواره مع أميرة بدر، إنه يبلغ من العمر 24 عامًا، موضحا أنه يغني منذ صغره.
وطرحت أميرة بدر بعض الاسئلة عن سبب انتشار أزماته مؤخرًا قائلة: أنت طبعًا مطرب وأغانيك مكسرة الدنيا وفي أغنية أنا بحبها جدًا شخصيًا، لكن مؤخرًا قصصك الشخصية أصبحت مغطية على أغانيك وفنك، صح ولا غلط؟
ورد مسلم: صح، لأن الناس بتحب تعمل كده، وأنا زي أي حد طبيعي انزل استوري لكن ممكن اتفهم بكذا شكل، وأعلنت طلاقي لأني مكنتش عاوز أوقف حياة علشان خاطر حاجة، وعلشان لو ربنا كرمها بحد غيري، أكيد مش هوقف لها حياتها، لتعقب أميرة بدر: الناس القريبن منها اكيد عارفين؟، ليوضح مسلم: ميكا بقيت مشهورة مؤخرا وعندها فانز.. لأنها بعد ما اتجوزتني اتشهرت
وأضاف مسلم إلى أنه تزوج من ميكا البغدادي واستمر زواجهما سنة ونصف وانجبا طفلا سماه مسلم على اسم شهرته.
ووجهت أميرة بدر سؤالأ لمسلم قائلة: الرجالة لما تمسك قرش وتتشهر.. الأولى مش بتعمر كتير؟ انت من الرجالة دي؟، ليرد: لأ من زمان وإحنا مرتاحين وأنا من الناس المصرفين وكريم مع اللي حواليا.
مسلم يكشف عن سبب انفصاله بميكا البغدادي
كما سألت أميرة بدر سبب قرار انفصاله رغم استمرار زواجه عام ونصف فقط قائلة: متجوز من سنة ونص بس وعندك ولد إيه خلاك تطلق؟.. ليه خدت قرار زي ده؟
ورد مسلم: لأننا مش دماغ بعض ومش واخدين بعض عن حب، وهي كانت صاحبتي في الأول.. ومحترمة وما زالت محترمة لكن ما اتفهمناش ودماغنا مش شبه بعض قررنا ان كل واحد يعيش حياته ويفضل الطفل ما بينا وكل احترام، لتسأله أميرة بدر مرة أخرى : بيقولوا في مصر اللي بيطلق مراته بيطلق عياله معاها؟، ليرد مسلم: ابني حتة من قلبي وعالم تاني بعيدا عن اي حاجة.
والجدير بالذكر أنميكا البغدادي طليقة مسلم، قالت إن مطرب المهرجانات الشعبية طلب الرجوع لها عقب فسخ خطبته من يارا تامر، والتي خطبها عقب انفصاله عن ميكا بـ شهرين، وكتبت عبر حسابها الرسمي موقع تبادل الصور والفيديوهات “انستجرام”: طلب الرجوع كالعادة ورفضت.
وفيما يخص مستحقاتها المادية، قالت ميكا البغدادي: حقي المادي أنا اعتبرته زكاة عن ابني، لكن حق ابني المادي أنا هاخده تالت ومتلت، ولو على حقي المعنوي فأنا خدته يوم ما قررت أبعد وأبدأ حياة جديدة ليا ولـ ابني.