شنت الإعلامية بسمة وهبي هجوما على الهارب خارج مصر، وجدي العربي، بعد شماتته في وفاة عبد الله ابن الفنان الكبير حسن يوسف والفنانة المعتزلة شمس البارودي، الذي توفي أمس الأحد غرقا في إحدى قرى الساحل الشمالي.
وقدمت بسمة وهبي خلال حلقة جديدة من برنامجها «90 دقيقة» على قناة المحور تعازيها لأسرة عبد الله حسن يوسف.
وأوضحت بسمة وهبي أنها على علاقة صداقة قوية بـ حسن يوسف وشمس الباردوي، وتشاطرهما الأحزان، مؤكدة أن ما أصابهم هو ابتلاء من الله.
وبعدها وجهت كلامها لـ وجدي العربي بعد الشماتة في موت عبد الله حسن يوسف: «في عز الناس ووجعها على فراق عبد الله، وفي وسط هذا المشهد لقينا الهارب الجاهل الجبان الخسيس وجدي العربي اللي لا عنده لا ولاء لبلده ولا لدينه، واللي أخته قالت إن كان بيجيله دعم وفلوس وكلنا عارفين الفلوس دي كانت بتجيلك ليه؟ لقيناه بيشمت في وفاة عبد الله حسن يوسف».
وأضافت: «أنت نسيت إنك طلقت أختك، هو ده عندنا في الدين، أنت مين علمك الدين يا خسيس يا جبان، أنت اللي ربنا بيعاقبك، أنت أبوك كان راجل محترم الحاج عبد البديع العربي وسيرته كانت عطرة، ولو كان عايش هيديك 100 قلم على وشك علشان حالة الحقد والخيانة لبلدك، وجهلك بالدين».
وواصلت بسمة وهبي كلامها ضد وجدي العربي: «باقوله تفقه واقرأ يمكن تفهم في الدين، أنا مش مستحملة ومش مستوعبة أن في حد يعمل كده ويشمت في وجع قلب أم»، مضيفة: «اللي معندهوش ابتلاء يدور في حياته كويس».
وختمت بسمة وهبة كلامها: «سامع يا جاهل يا خسيس يا جبان.. ليه حد يشمت في موت شاب عنده 35 سنة».