نشرت الإعلامية بسمة وهبة مقطع فيديو عبر حسابها الخاص بموقع التواصل الإجتماعي لتبادل الصور والفيديوهات «انستجرام»، وحذرت صناع وأبطال مسلسل المداح، من عمل جزء جديد في رمضان القادم.
قائلة: «لوسيقد تكون سابت مسلسل المداح بسبب تعرضها لأذى، بسبب دور العفريته اللى جسدته قبل كده، وكانت اسمها هند بنت الأحمر، وقالت بنفسها إنها حسيت بأذية حقيقية ومكملتش».
متابعة: «بوسي لما جتلنا الحلقة السنة اللي فاتت أنا حسيت إن فيه حاجة، وقُمت صوت ولقيت في قطة ماشية من تحت رجلي ونهينا الحلقة، معرفش ممكن يكون فيه حاجات خفيفة والناس بتستغلها وبيقولوا إن ده المهدي المنتظر».
مضافة: «مريم العذراء مين اطلعوا يا مسيحين دافعوا، أنا بحب مريم محدش يقول لواحدة عادية إنتي مريم العذراء، وشايفة إن مسلسل المداح عملنا مشاكل كتير وكفاية كدة بقى».
بسمة وهبة لـ صناع المداح: المسلسل عمل مشاكل كتير وآخرها مشاكل الدبح والتعذيب
مستكملة: «اوعوا تعملونا الجزء الخامس، المسلسل عمل مشاكل كتير وآخرها مشاكل الدبح والتعذيب اللي حصلت للولد اللي قتلوه في شبرا وأخدوا أعضاءه، المفروض يتكتب إن المسلسل لا يمت الواقع بصلة».
مختتمة: «ده لما بنشوف مسلسلات أجنبية أو كورية بيتكب من خيال المؤلف وليس له علاقة بأي قصة ولا شخص ولا بالواقع، مسلسل المداح هو الوحيد اللي اتفرجت عليه، ليه يتعمل أربع أجزاء والمسلسل كله توتر وجن وعفريت وكان مؤثر، ومفيش حاجة توحي إن ده مش حقيقي أو مسلسل مكتوب من الخيال».