انفعل الإعلامي تامر أمين، خلال حلقة أمس من برنامجه «أخر النهار»، والمذاع عبر فضائية النهار، وذلك بسبب سؤاله في حلقة أمس «أسأل نفسك أنت حرامي ولا لأ».
قائلاً: «كل واحد يقف قصاد المراية، هل أنا حرامي ولا لأ، وده مش بينطبق على التجارة والتجار، لكن كمان الطبيب، اللي بيكتب دواء غالي للمريض علشان متفق على كدة مع شركة الأدوية، والموظف اللي بيعطل مصالح الناس، هل كدة حرامي علشان بيسرق وقت الناس؟».
مضافًا: «تجار العربيات اللي عارف أن سعر العربية كذا ومكسبه كذا، ويروح يعمل احتكار ويتفق مع زمايله علشان يغلوا أسعار العربيات، هل كدة يبقى حرامي؟، كل واحد يسأل نفسه».
متابعاً: «والإعلامي اللي بيقول معلومات غلط علشان يسرق عقول الناس، وفي المقابل ياخد فلوس أكتر علشان يقول حاجة غلط، فـ كل واحد يفكر هل بياخد حق حد؟».
تامر أمين ينفعل على الهواء بسبب جنازة السعدني
وسبق وعلق الإعلامي تامر أمين، خلال برنامجه “آخر النهار” المذاع على قناة النهار، على الأزمة الأخيرة حول فكرة الجنازات وسرادق العزاء للشخصيات العامة، والضجة التي حدثت بسبب الصحفيين والمراسلين، قائلاً: “عائلة صلاح السعدني رفضت حضور أي من الصحفيين والمراسلين”.
وانفعل تامر أمين، قائلاً: “الصحفيون والمراسلون ده شغلهم وطبيعي.. وأعلم كمان أن الموت له احترام وهيبة ولا يصح التدخل واحترام أهل المتوفى”.
وقال تامر أمين إنه يجب تحديد أماكن للصحفيين والمراسلين في الجنازات والعزاءات للذين يريدون التصوير بعيدًا عن أي مضايقات أهالي المتوفين، موضحًا أنه سيكون هناك اجتماع مع نقابة الصحفيين والمهن التمثيلية لوضع ضوابط ونظام لاحترام حريات الآخرين.