عبرت الفنانة ميرنا وليد عن سعادتها بالمشاركة في احتفالية مؤسسة بهية الذي اقيم يوم الجمعة الموافق 24/12/2021، ووجهت رسالة لجميه الأشخاص ان يستغلوا أموالهم في فعل الخير.
ميرنا وليد تعبر عن حبها لـ مؤسسة بهية
وصرحت لـ أوان مصر قائلة: “انا بعشق هذا المكان ومفيش مرا جيت وخرجت منه وانا بقول الله يرحم بهية ويابختها على كتر الخير اللي بتعمله وهي مش في الدنيا وديما بقول ربنا يقدر كل الناس اللي قادرة تعمل زيها ده اكبر مكسب ممكن تكسبه دنيا واخرى”.
وأضافت لـ أوان مصر قائلة: “لانه مهما قعدنا في الدنيا مساحة قليلة اوي والزمن اللي لينا في الدنيا قليل اوي اوي اوي مقارنًة بالحياة بعد كدة فاللي يقدر يستغل الفرصة ديه عشان يبني للحياة الاساسية الدائما وهو فترة وهو عايش في الحياة الذائلة ديه يبقى يعني ده اللي فعلا ذكي وقدر يكسبها صح”.
ميرنا وليد توجه رسالة لـ جميع الأشخاص: “لازم تستغلوا أموالكوا في الخير”
وتابعت لـ أوان مصر قائلة: “لان اللي بيعيش وسايب فلوس هو مش عارف سايبها لمين في الحقيقة وتقول بقى اصل سيبت لبنتي او لابني انت اصلا سايبها ومش عارف مين هياخدها من بنتك او من ابنك انما لما تكون زكي وتعمل فلوس لنفسك وانك تخلي الفلوس ديه تعملك خير وانت مش في الدنيا ديه ويفضل اسمك عايش ده ذكاء”.
وأشارت لـ أوان مصر قائلة: “وشوفي كام واحدة في اليوم بتقول الله يرحمها شوفي كام ملاك واقف على كام كتف واحدة جوا في بهية بيسجل في حسنات لبهية اللي هي مش موجودة وانا كل لما باجي هنا يارب الست ديه يابختها ازاي هي ذكية اوي كده فربنا يقدر كل بني ادم لسه مازال عنده الفرصة ولسه عايش في الدنيا ديه وربنا مديله فرصة انه يعمل خير يفضل له وتكون الحصالة بتاعته لبعدين ده هيبقى بني ادم ذكي اوي”.