تخوض الفنانة ميرنا وليد تجربة كوميدية لأول مرة في مسيرتها الفنية ومن المقرر ان يعرض خلال الشهر الأول من السنة الجديدة.
ميرنا وليد تشارك في عمل كوميدي لـ أول مرة والعرض السنة الجديدة
وقالت في تصريحات خاصة لـ أوان مصر: “احنا ان شاء الله عندي فيلم المفروض ادخله في اخر شهر واحد وهو كوميدي وفعلا اول مرة في حياتي اعمل كوميدي بس هو كوميدي من النوع اللي بحبه وهو مش مجرد كلام يتقال عشان الناس تضحك من غير ما توصلي اي هدف او اي هي رسالتك من العمل”.
وكشفت ميرنا وليد كواليس العمل لـ أوان مصر: “احنا الحمدلله عاملين مضمون حلو مضمون مهم ويهم المجتمع وموصلين رسالة حلوة اوي ومهمة جدا في الحياة اللي عايشين فيها ديه وموصلين من خلال الكوميديا رسالة مهمة اوي للمجتمع”.
ميرنا وليد تكشف لـ أوان مصر كواليس تحضيرها لـ برنامج تليفزيوني
ومن جانب أخر، تحدثت الفنانة ميرنا وليد عن كواليس تحضيرها لـ برنامج، وأوضحت اسباب عمل هذا البرنامج، وقالت ان الفكرة اتعرضت عليها ووافقت مباشرة، لكي يتاح لها الفرصة ان تتحدث عن السوشيال ميديا وتوضح حقائق كثيرة لم يتحدث أحد عنها، وتدافع عن الفنانين والنجوم من خلال هذا البرنامج.
وقالت في تصريحات خاصة لـ أوان مصر : “هي فكرة اتعرضت عليا وقولتهم الفكرة مش وحشة خالص وانا اتعرض عليا برامج كتير جدا بس انا بشكل عام مبحبش البرامج ديه حقيقة يعني محستش انه حاجة اضافت لي خالص”.
ميرنا وليد تدافع عن الفنانين في برنامج تليفزيوني
وتابعت لـ أوان مصر قائلة: “في كتير بيسألوا عندك ايه فكرة بقولهم معنديش ومش في دماغي لكن لما اتعرض عليا الفكرة ديه تحديدا لان هي فكرة مستفزاني شخصياً وشايفة ان في هجوم كثير على الفنانين ومش بس الفنانين في هجوم بشكل عام”.
وأضافت لـ أوان مصر قائلة: “السوشيال ميديا اكبر مكان للكدب في على الاطلاق ولا محاسب ولا رقيب ولا هناك من ينادي باي حقوق لاي حد وديه مسائلة لازم يتعملها استوب لازم نفهم الناس ايه الصح واي الغلط وايه اللي بيتعمل يعني مثلا اكتبي كده ميرنا وليد هتلاقي تاريخ ميلادي 7 تواريخ مع اني اتولدت مرة واحدة مش 7”.