أثارت سيدة الأعمال ندى الكامل الجدل على منصات التواصل الإجتماعي في الساعات الماضية، عقب تصريحات مؤدي المهرجانات عمر كمال بشأن ارتباطهما.
وبالرغم من تداولها خبر إنفصالها عن الفنان أحمد خالد الثلاثاء السابق عبر حسابها على موقع التواصل الإجتماعي لتبادل الصور والفديوهات الإنستجرام، ظهرت ندى الكامل بفيديو جديد يجمعها بزوجها وهي تحتضنه رداً على تصريحات مطرب المهرجانات عمر كمال وتاكيد خبر رجوعها لزوجها.
ويعتبر هذا هو الرد الأول من سيدة الأعمال ندى الكامل على تصريحات مؤدي المهرجانات عمر كمال الذي تحدث أنهم أرتبطوا لمدة سنة ونصف ثم انفصلا عنها.
عمر كمال يكشف عن علاقته بـ ندى الكامل
كشف مؤدي المهرجانات عمر كمال، خلال لقائه مع الإعلامية أميرة بدر، في برنامجها خلاصة الكلام، المذاع عبر شاشة قناة النهار، مساء أمس عن علاقته العاطفية والتي جمعته بـ سيدة الأعمال ندى الكامل، طليقة الفنان أحمد الفيشاوي.
وقال: «أنا مبحبش اتعرف بموضوع عاطفي أو شخصي، وزعلت لما علاقتي اتعرفت لأن مردودها عند الناس مكنش كويس ومش عارف الناس شافت الموضوع إزاي، بس أنا في الفترة دي مكنتش متزن نفسيًا ومكنتش بنام غير بأدوية ومهدئات، وسلوكي مكنتش مظبوطة، والأدوية كانت مأثرة عليا لدرجة أن ممكن حد ياخد مني مبلغ وأنسى خالص، وكنت باخد الأدوية دي بدون علم وناس وصفتلي ودخلت في متاهة، والموضوع قلب معايا بهلوسة، ومرة مدير أعمالي راح جابني من على الدائري وأنا خابط العربية، وتاني يوم معرفتش أني عملت كده، والسنة والنص دي أثرت على شغلي».
مضاف عمر كمال: «ممكن الغلط يكون من عندي لأني عملت في نفسي كده، هي مكانتش فاتحة خير عليا والمفروض الإنسانة اللي معايا لما تلاقيني بميل ناحية الغلط متميلش معايا لأ تعدلني، تجربة مكانتش حلوة عليا السلبي فيها أكتر من الإيجابي، وأنا اللي خدت قرار الانفصال لأني كنت بقع ومش نفسي، أنا حبيتها أكيد ولكن التجربة ضرتني».
عمر كمال عن علاقته بـ ندى الكامل: حاولت ترجعلي
متابع عمر كمال: «ربنا حبيبي، وفي كل موقف في حياتي كنت هقع فيه شالني، وربنا ده ممكن يكون علشان أمي أو إخواتي أو خير بعمله أو علشان براعي ربنا في فرقتي، أنا دايمًا بصحي نفسي ودايمًا عندي النفس اللوامة، وطول ما أنا بدخل ربنا في طرف الميزان همشي كويس، وممكن أكون في علاقة وعصيت ربنا، فا ربنا يديني قلم ويكسرني علشان يسمع صوتي، وأنا فوقت وحاولت ترجعني وأول ما أتأكدت أني مش راجع شوفت الوش التاني، وناس تانية ظهرت، طب ده أنا قرأت دراسة بتقول أن الشخص الطبيعي السوي العادي علشان يطلع من علاقة ويستشفى منها عايز 6 شهور، وبدأ ربنا يبينلي حكمته وأن قراري صح».
مختتماً: «ده أنتي لو عندك جاكيت ولبستيه في مناسبة بيصعب عليكي تشحتيه، ولو عندي عربية بتصعب عليا وبحن لها، وتأكدت أن قراري كان صح وفوقت والدنيا بقت أحلى كتير».