تحدتث مؤدي المهرجانات عمر كمال لأول مرة، عن تفاصيل نجاته من عملية سطو خلال وجوده في أحد البنوك بأمريكا، وذلك خلال لقائه ببرنامج خلاصة الكلام على قناة النهار والذي تقدمه الإعلامية أميرة بدر.
قائلاً: «لما روحت أمريكا بعد كورونا بسنة مكنتش أعرف إنجليزي، وكان معايا راجل بيترجم ليا، ونصحني وقال لي هات ألف دولار وحطها في بنك أمريكي وافتح حساب وهتنفعك في الغلاء، وكنا في لوس أنجلوس وأنا هوسي في الحياة الأفلام الوثائقية، وكنت قرأت تقرير بيقول إن لوس أنجلوس فيها يوميًا 50 حالة سرقة لبنوك، لكن قلت استحالة ده يحصل فيا وكنت منبهر بالنظام».
عمر كمال يكشف لأول مرة تفاصيل نجاته من عملية سطو في أمريكا
متابعاً: «كنت قاعد وماسك الموبايل لقيت راجل بيزعق مع الست اللي على الشباك، وضرب على الإزاز، والراجل اللي جمبي قال لي خلي بالك لو هتعرف تزحف وتطلع بره أو نام على بطنك وحط إيدك على راسك، قلت له ليه؟ قال لي الراجل ده معاه قنبلة وهيفجرها، وأنا كنت فاكر فيه مشكلة في الحساب، لكن كان بيقول لو محطتيش الفلوس هفجر الدنيا كلها».
مستكملاً: «قلت للراجل أنا ههرب وإنت كمان اعمل كدا، قال لي أنا بصور علشان لو نجينا هبيع الفيلم الوثائقي ده بفلوس كتير، وكانت ليلة واحتجزونا، وقعدنا بتاع أربع ساعات، والبوليس جه والراجل طلع مريض نفسي، ومن وقتها اتعلمت آخد كورسات إنجليزي الحمد، وما فتحتش الحساب في الآخر، وبقيت اتفرج على نتلفيكس كتير مؤخرًا والإنجليزي بتاعي اتحسن شوية ويمشيني».