انتشر فيديو في الساعات القليلة الماضية لـ مؤدي المهرجانات حسن شاكوش، وظهر شاكوش في هذا الفيديو وهو يتحدث فيه عن استعداده للزوج، مطالبًا الجميع بالاستعداد لحفل زفافه.
قائلًا في الفيديو المنتشر عبر منصة التواصل الإجتماعي لتبادل الصور والفيديوهات «الإنستجرام»: «بظبط الفرح بتاعي الجديد وكله يجهز المرة دي فيها 20 مليون جنيه».
View this post on Instagram
وبعد انتشار هذا الفيديو نفى مدير أعمال مؤدي المهرجانات حسن شاكوش، استعداده للزواج، مؤكداً على أنه كان مجرد هزار بين مجموعة أصدقاء.
حسن شاكوش متهم بسرقة ألحان قنبلة الجيل
وسبق وفجر الناقد الفني أكرم ناجي مفاجأة صادمة بشأن أغنية «قنبلة الجيل» لـ مؤدي المهرجانات حسن شاكوش، والتي قدمها ضمن أحداث المسلسل الرمضاني العتاولة والذي عرض في رمضان 2024، وحققت تلك الأغنية نجاحًا كبيرًا إلى الآن وأصبحت منتشرة بشكل كبير على منصة تيك توك.
ونشر أكرم ناجي فيديو عبر صفحته بموقع فيس بوك، أكد من خلاله إن أغنية «قنبلة الجيل» مسروقة من ألحان أغنية في حضن عنيك للمطرب حماقي، مستنكرًا سرقة شاكوش لـ ألحان أغنية حماقي للمرة الثانية بعد أغنية بنت الجيران.
وقال: «أغنية قنبلة الجيل نجحت في رمضان 2024 ومن أهم أسباب نجاحها طرحها ضمن أحداث مسلسل العتاولة، وعاملة شغل حلو على تيك توك، ولما سمعت الأغنية خدت بالي أن الجملة دي سمعتها قبل كده، وقلت مين حبيب شاكوش غير حماقي.. هو اللي نجحه وصيته من وقت أغنية بنت الجيران وخلاه في حتة تانية، لما برضه شاكوش سرق ألحان أغنية بنت الجيران من حماقي، فضلت أفتكر لحد ما جبتها واكتشفت إنها أغنية في حضن عنيك، وكنت مستغرب إن الأغنية نجحت».
أكرم ناجي: حسن شاكوش عنده غرور زايد في لقاءاته التلفزيونية
مضافاً: «أنا مش ضد شاكوش ولا عمر ولا حمو ومش بهاجم ولا بروش، لكن أنت لو بتعمل شكل معين وهو شكل المهرجانات فأنت داخل في مرحلة الممل.. اطلع بلحن جديد أو أي حركة.. لكن الاستستهال عبث بصراحة، من تلات سنين مفيش أغنية ليهم هما التلاتة ضربت زي الأغاني اللي فاتت، وده بيدل على حاجات كتير أوي وسبق وقلت أن الناس هتمل من الرتم الواحد وهيكون فيه حاجات أحلى وأجرأ لكن الأسلوب اللي هما شغالين عليه مش هيستمر».
مختممًا: «ملاحظ أن عمر كمال وحسن شاكوش أصبح عندهم غرور زايد في لقاءاتهم التلفزيونية وبحس أنهم قدموا حاجة مهمة وكبيرة لكن النجاح نسبي وأحيانًا بيكون مؤقت والأهم هو الاستمرارية، وسؤال ليهم هل عملت عشر أغاني ناجحين في أربع أو خمس سنين، هما أربع أو خمس أغاني والباقي واقع أوي وكفاية سرقة واقتباس».