وجه حمو بيكا، مطرب المهرجانات، فجر الثلاثاء، من داخل الحرم المكي، رسالة دعم إلى الشاب حسام بوجي الذي يعاني من التنمرـ، بسبب عيب خلقي جعله شبيه بالكرتون الشهير بوجي وطمطم.
وقال بيكا، في لايف له من داخل الحرم المكي، عبر فيسبوك: «يا بوجي، مش عايزك تزعل من الناس اللي بتتمنر عليك، أنت أحلى بوجي ، حبيت أدعيلك وأقولك ربنا يخليك لوالدك وولدتك، ويبارك لك في حياتك ودنيتك».
وكان قد وجه حمو بيكا، رسالة دعم وتشجيع للشاب حسام الشهير ببوجي، وجاء ذلك خلال حسابه الرسمي بموقع التواصل الاجتماعي “فيسبوك”.
وأعاد بيكا نشر مقطع فيديو بوجي أثناء غنائه لأغنيته، خلال تواجده مع الفنان أحمد العوضي، وعلق: “يا بوجي يا جميل من النهاردة اعتبر شعار انا بوجي ماي لاف الفانز ده شعارك حمو بيكا بيحبك .. وعايزك دايماً تبقي كويس وجميل يا احلي واجمل بوجي في الدنيا ربنا يبعد عنك شر النفوس المريضة ومتسمعش لحد نهائي .. انت جميل وروحك جميلة ربنا يسعد قلبك ويديك كل الخير يا بوجي يارب”.
«تراجع واستسلام».. حمو بيكا يتهم الصحافة بـ التحريف في كلامه
اتهم مؤدي المهرجانات حمو بيكا، جميع الصحف والمواقع الإلكترونية بالتحريف في كلامه، واختلاق التصريحات، لتصدر التريند.
وكتب بيكا عبر حسابه الرسمي بموقع التواصل الاجتماعي “فيسبوك”: “توضيح هام، في البداية صباح الخير علي كل اخواتي وجمهوري في مصر والوطن العربي.. حابب بس اوضح كام نقطة كدة الصحافة عماله تتكلم فيهم بدون اي دليل وكلام مخرجش من لساني وتحريف لبعض الكلام لاشعال الرأي العام والسوشيال ميديا”.
وأضاف: “اول نقطة جريدة من ضمن الجرائد روجت اشاعه اني عملت لايف واتحديت فيه استاذ (هاني شاكر ) ونقابة المهن الموسيقيه واني هخالف قوانين النقابه وهغني غصب عن القرار”.
وأردف: “اولاً انا قولت دي موجة وبإذن الله هتعدي وهنرجع نغني في مصر تاني مقولتش انا بتحدي القرار والاستاذ هاني شاكر .. لاني خامس مره اتوقف وعمري مخلفت قوانين النقابه نهائي ومن كلامهم جميعاً وعلي رأسهم النقيب هاني شاكر .. فياريت الجرايد اللي بتحور الاخبار علي دماغها تكتب اللي بيخرج عن لساني انا وميكتبوش اللي علي دماغهم هما .. لان دي امانه مفروض حضرتك كصحفي او صحفيه تأدوها علي اكمل وجه .. ومن هنا بقولكم انا عمري ما هتحدي قرار نقابه او هخالف اي قانون للنقابه وانا محترم كل قرار للنقابه”.