كشف الفنان محمود العسيلي، عن أزمته مع مغني المهرجانات عصان صاصا، بعدما قال أنه لا يعلم من هو، لكنه رقم واحد على منصة أغاني معروفة، وذلك خلال حواره مع الإعلامية منى عبد الوهاب ببرنامج «ع المسرح».
وقال: «في واحد أنا قولت إنه رقم 1 على كل المنصات لكن أنا فعلًا معرفش هو بيغني ايه وانا ابني بيحبه جدًا وحافظ كل أغانيه، لكن أنا عمري ماسمعته ومش تقليل منه ولو بقلل منه مش هقول إنه رقم 1 على كل المنصات ودا بجد وكل الجيل الصغير بمختلف الطبقات بيسمعه وبيسمع الناس اللي شبهه وميعرفوش أغانينا احنا».
حمو بيكا يفتح النار على محمود العسيلي
وسبق وشن مؤدي المهرجانات الشعبية حمو بيكا، هجوما ناريا على الفنان محمود العسيلي بسبب تصريحاته الأخيرة بشأن انتهاء موضة المهرجانات.
وقال حمو بيكا خلال استضافته في برنامج ورقة في ملف الذي يقدمه الإعلامي هيثم بسّام على قناة النهار: “يبقى هو كمان موضته اتغيرت، لو نزلت دلوقتي الشارع وقولت تعرف حمو بيكا ولا محمود العسيلي هيقول حمو بيكا، هو اتكلم عن عصام صاصا وقال فيه واحد اسمه عصام صاصا طلاما عرفته يبقى سمعته، إحنا بنحترمك واللي يحترم يُحترم”.
وأضاف حمو بيكا: “مينفعش حد يجبلي سيرتك وأقول موضة قديمة هتنتهي يبقى أنا مش سامعلك أي حاجة في السوق”.