علَق المخرج محمد سامي على نجاحه الدائم مع الفنان محمد رمضان وسبب حبه له والعمل معه.
وقال سامي خلال استضافته ببرنامج”اسرار” مع الاعلامية اميرة بدر، المذاع على قناة النهار: “محمد رمضان ممثل مهم وموهبة مهمة، ولكن مهما كان فهو في احتياج لفريق عمل قوي حواليه ومخرج قوي، هو عنده كاريزما لكن مش مسئول عن كل العناصر”.
وأضاف سامي: “اشتغلت مع غادة عبد الرازق والسقا وتامر حسني لكن شغل محمد رمضان كان نجاح استثنائي، وده بسبب أن كيميتنا راكبة اوي مع بعض، وبنفهم بعض بالإشارة”.
واستطرد سامي قائلًا: “محمد رمضان طيب ومش بيفكر ينجح مع حد غيري عشان يثبت حاجة معينة لأنه مش بالشر ده، وهو نجم مبالغ في نجوميته وهو عارف أنه ناجح دايماً”.
وأضاف سامي قائلًا: “محمد رمضان متصنف فتوة الشعبيين لأن فريد شوقي فضل كده طول عمره، وأنا ضد تغيير جلد الفنانيين، لأن أحمد زكي فيه حاجات مصدقتوش فيها وأنا أقل من أني اقيمه، لكن الأستاذ عادل إمام هو الانجح ع الاطلاق، وهو البهجة والانبساط ووظف نفسه حلو وعمل كل حاجة”.
وعن عمل جزء تاني لجعفر العمدة قال محمد سامي: “جعفر العمدة مالوش الا جزء، فكرة الجزء التاني فكرة المنتج محمد السعدي وكنا رافضينها انا ورمضان وكتبت منه ١٧ حلقة محبتوش، لأن ليه اعيد اجزاء وتكرار لما ممكن اعمل حاجة تاني وانجح بيها”.