كشف المخرج محمد سامي عن علاقته بالممثلين وطبيعة العمل معهم، وذلك خلال حلوله ضيف على برنامج الحكاية الذي يقدمه الإعلامي «عمرو أديب» المذاع عبر قناة Mbc مصر الفضائية.
وتحدتث المخرج محمد سامي عن مشهد الدفن: «مبتعاطفش مع الممثلين دول ناس محجزوين لفترة عشان ينفذوا اوردر وواخدين فلوس.. والتحكم في عباد الله دا ممتع، لما بتعصب على ممثل بيبقى يا إما هو بليد، أو مواعيده مش مظبوطة، أو مش بيذاكر ولا بيحفظ، وده طبعا بيعطل زمايله، إحنا 400 شخص بيجي علشان ناخد مشهد، فلازم المشهد ده يتعمل حلو».
محمد سامي: النجوم الحقيقيين أصلا محترمين
مضافاً: «هو كده هيفشل ويفشلنا معاه، ويبقى ممثل جاي متأخر ومش مركز ويسلب حقوقنا كلنا، ويتخانق معاه مهما كان مين ونجوميته قد إيه؛ لأن النجوم الحقيقيين أصلا محترمين، وعمري ما اشتغلت مع نجم كبير ومكنش محترم، دايما المشاكل بتيجي من أنصاف الفنانين».
مستكملاً: «أنصاف الفنانين اللي بييجي من وراهم مشاكل، بيبقى عايز طول الوقت يقول أنا نجم، فمش بيفكر في الشغل نفسه، ونجم زي محمد رمضان وأحمد السقا دول ناس تعلم جيدا إنهم نجوم وناجحين، فبيركزوا في شغلهم».
مختتماً حديثه: «والنجوم دول أول ناس بتيجي في ميعادها، وأكتر ناس مذاكرين وعندهم حرص على نجاح المشروع، زي الفنانين عادل إمام، والراحل محمود عبد العزيز، وأحمد عز، فالمشاكل بتيجي من الناس اللي بتبقى فاكرة إنهم نجوم وبيحاول يثبت ده برغم إن دوره مش هيأثر على بيع العمل بدولار واحد حتى».