وجه مطرب المهرجانات الشهير عمر كمال، رسالة للمتنمرين وذلك بعد أزمة حسام بوجي الشاب الذي تصدر مواقع التواصل الاجتماعي في الآونة الأخيرة.
عمر كمال يوجه رسالة للمتنمرين
وشارك عمر كمال صوره تجمعه بـ بوجي، وعلق قائلاً: ربنا سبحانه وتعالى بيقول ( لَقَدْ خَلَقْنَا ٱلْإِنسَٰنَ فِىٓ أَحْسَنِ تَقْوِيمٍۢ ) ديه من أعظم الآيات المريحة نفسيا لقلبى واللى دايما بمشى بيها ف حياتى مش بس ف الشكل الخارجى لا فى كل حاجة ف حياتى .. كل حاجة ف حياتى ربنا خلقها ف أحسن تقويم ودبرهالى ف أحسن شكل .. معنى الآية أن ربنا حبيبنا خلقك ف أحسن صورة وربنا عمره ما خلق شئ وحش وربنا مش بيعمل ليك غير الخير .. يعنى لو ربنا شايف ليك شكل غير ده كان عمله .. ولو شاف ليك حال غير ده هيبدلهولك من أحسن لأحسن.
وواصل: ربنا ليه حكمة ف كل شئ مش لازم تعرفها دلوقتى أو مش لازم تعرفها أصلا أحنا نقول الحمد لله وبس .. ونقول راضى يارب بكل حال وف أى وقت اللى بيتنمر على حد يعنى بيعترض على ربنا وعلى تقويم ربنا سبحانه وتعالى.
واختتم عمر كمال قائلاً: ياللى بترمى كلمة وتروح تنام وتنسى .. كلمتك ممكن توجع غيرك سنين وتشوه جواه علاقته بربنا وبالناس.