استطاعت الفنانة عارفة عبد الرسول، أن تحقق نجاحًا كبيرًا من خلال شخصية برهومة التي قدمتها في مسلسل توبة، وحظى دورها على اعجاب الكثير وأشاد بها العديد من نجوم العمل، نظرًا لبراعتها.
وأجرى موقع “أوان مصر”، حورًا صحفيًا مع المبدعة عارفة عبد الرسول، لتكشف تفاصيل شخصية برهومة، وما الذي جذبها للعمل.
وجاء نص الحوار كالتالي:-
-ما الذي جذبك للمشاركة في مسلسل توبة.. ومين رشحك للعمل؟
شخصية برهومة جذبتني جدًا، في مسلسل توبة هي ست شعبية بس تركيبة جديدة، وافكار جديدة وست أنا مقابلتهاش، واللي رشحني للعمل المخرج أحمد صالح، وعمرو سعد ولاقوا موافقة من باقي الكاست والكل كان مرحب بيا جدًا.
-تعليقك على ردود الأفعال الإيجابية بعد عرض العمل؟
أنا فرحانة جدا بردود الأفعال الإيجابية واتمنى دايما أكون عند حسن ظن الجمهور، وبشكرهم جدا على ثقتكم.
-ماذا عن تعاونك مع عمرو سعد.. واي الرسالة اللي بتوجيهها ليه من خلالنا؟
الفنان عمرو سعد كنت أول مره اقابله من وقت ما اشتغلت، والحقيقة يعني من أول ما تقابلنا حسينا بالفة غريبة، ومحستش ابدا ان هو غريب عني وان أول مره اقابله، وبعد كده اخدنا على بعض وقعد يكلمني، فابعاد شخصيته وابعاد شخصيتي ونضحك ونتكلم، فبقا فيه كيميا مشتركة لدرجة قولتله، أنا مش عارف ازاي همثل إن أنا بكرهك وبحب ابراهيم اكتر منك.
بوجه رسالة للفنان عمرو سعد وبقوله ربنا يبارك فيك ويحافظ على موهبتك، ويديك القوة إن دايما حافظ تفاصيل شخصيتك كده بالملي، ومركز والصحة والستر هما أهم حاجة ومتشكره جدا انك سمحتلي اقف قدامك وامثل.
-كلمينا عن شخصية برهومة، وما الذي يميزها عن باقي الشخصيات الأخرى التي قدمتيها من قبل؟
شخصية برهومة هي شخصية مركبة فيها بعض الشر فيها جهل فيها حب غريب جدا للفلوس، مش همها انها تعلم ولادها وتشقى وتتعب عشان تطلع أفراد سارحة هي مسرحها العيال من بدري يجيبولها فلوس باي طريقة فكانت شخصية كده غريبة وهي مش بتكره ولادها هي بتحبهم، بس دماغها أنهم ينزلوا يشتغلوا ويجيبوا فلوس، فكانت شخصية غريبة جدا عليا.
-هل تخافي من حصرك في دور المرأة الشعبية.. نظرًا لأنك قدمتيها أكثر من مره؟
لا مش بخاف ابدا إن أنا اقوم بدور مرأة شعبية، بعمل دور الست اللي من طبقة متوسطة حسب المكان وحسب الموضوع، بس هي الست الشعبية مش مصنفة واحدة في اللي اتعلمت وفي اللي متعملمتش وفي اللي اترمت في الشارع من صغرها.
-اي الصعوبات التي واجهتك في العمل؟
مفيش صعوبات قابلتني في العمل وشركة الانتاج كانت محترمة جدا، الناس كانوا بيعاملونا معاملة كويسه، كل حاجة متوفرة وراحتنا أهم حاجة، بصراحة مفيش اي صعوبة قابلتني في الشغل يبقى يوم برد شوية دي اقصى صعوبة الواحد اتعرضلها.