أبدت ياسمين صاحبة الفستان الأزرق، استيائها ممن تنمروا بها ورددوا الشائعات حولها بعد انتشار فيو رقصها بأحد الأفراح.
وقالت ياسمين خلال مداخلة هاتفية ببرنامج “90 دقيقة” المذاع علي قناة “المحور”:”بجد مش مسامحة أي حد بيتكلم في عرضي ولا أي حد اساء ليا ولأهلي وشكك في تربيتي، وحسبي الله ونعم الوكيل في كل الناس اللى شهرت بيا، انا معملتش حاجة غلط انا في فرح صاحبتي وقاريبتي مبعملش غلط الدنيا كلها بتفرح وبترقص، معملتش حاجة غلط و90% من اللى كانوا موجودين كانوا ستات وقالوا رايحة تجيب عريس ومش عارفة ايه وكلام زبالة ويوجع ومحدش متخيل الوجع اللي استحملته واللى والدته استحملته”.
وأضافت:”انا فرحان بصاحبتي وبحد ليه ماسكين فيا وسايبين الناس اللى بتسيئ علي التيك توك والانستجرام وفيس بوك واللى بيعملوا فيديوهات خليعة، ازاي جايين تهاجموا حد في فرح، والدة العروسة ووالدتي قرايب”.
وتابعت ياسمين:”مازال البحث جار عن مصور الفيديو واللى قام بنشره وقدمنا بلاغ لمكتب النائب العام، ورميت تكالي علي المحامي بتاعي، لسه متعرفناش علي اللى عمل الفيديو”.