حلت الفنانة رنا رئيس، ضيفة ببرنامج رامز جلال اليوم، و وقعت بـ مقلب المطعم الطائر.
و سخر منها رامز جلال أثناء تقديمه لها في بداية الحلقة قائلاً: «بطلة حلقتنا من أشهر النجوم المراهقين، وضيفتنا بقت نجمة وهي عندها 22 سنة».
« رنا رئيس بقت نجمة وهي بـ البامبرز وبتاكل سيريلاك ومتعبتش والسوشيال ميديا شهرتها ولو استمرت على كدا هتقعد في بيتها، وهي فنانة انتشرت زي الكورونا وهتسقط بسرعة الصاروخ وهتتهزق ومفيش مخرج معبرها في السينما».
«هي مستعدة تلبس أي حاجة المهم ترجع لـ مامي بالظرف، وصغيرة على الفن وبقول لها الفن عمره ما كان شهرة وخلاص إنما محتاج إخلاص ودراسة وذكاء وياما مواهب الزمن داسهم».
وأضاف رامز جلال: «انا هقولك كلمتين الفن عمره مكان شهرة وخلاص الفن عايز أخلاق وذكاء ركزي في أدوارك واهتمي بالأداء واوعي تتغري، ومش عايز تهور وقلة ادب عشان انا دماغي ناشفة، معانا ومعاكوا المراهقة الحسناء والصغيرة على الفن رنا رئيس».