كشفت الإعلامية نجوى إبراهيم، عن موقف أثار جدل واسع من الجمهور بعد حديثها عن فنانة كانت تستخدم ماء البصل للبكاء، دون الإعلان عن اسمها.
وتحدثت نجوى إبراهيم في برنامجها بيت العز، المذاع عبر إذاعة نجوم FM: زمان كان فيه ملكة الدموع مش هقدر أقول اسمها هتبقى فزورة، هي عندها أفلام جميلة جدا واتوفت من كام سنة، كانت بتعمل حاجة لذيذة أوي، لازم في أي حاجة فيها حزن تحط ماية بصل، وتعيط.
نجوى إبراهيم تعلن إصابتها بالسرطان
وفي سياق منفصل، أعلنت الإعلامية نجوى إبراهيم، الشهيرة بـ ماما نجوى، تعافيها من إصابتها بالسرطان، معلقة: جات كده من عند ربنا، حيث أوضحت الفنانة: فرحانة ومبسوطة الحمد لله بعد أربع أو خمس شهور قلق حابة أفرحكم وهي جت كده من عند ربنا وبيجيلي كم دعوات كتير منكم اعتبروني من النهارده لسة وجه جديد معاكم.
وتابعت نجوى إبراهيم: أنا هسكت كفاية إني أقولكم بحبكم من قلبي حقيقي وبعزكم وبحترم الجمهور اللي بدأ معايا وأنا كنت لسة صغيرة شبر ونص لغاية دلوقتي، هبدأ النهاردة حياتي معاكم واعتبروني وجه جديد.
نجوى إبراهيم تعاتب رامز جلال
ايضا وجهت “إبراهيم”، عتاب شديد للفنان رامز جلال بسبب كلمات تتر برنامجه رامز جاب من الآخر، والذي عرض في موسم رمضان 2024، وقالت: أنا بحب أنزل أجيب الحاجات بتاعة البيت، ومن كام يوم نزلت أجيب حاجات ولاقيت بنات ماشين مع والدتهم بيقولوا يا لهوي يا لهوي، ليه يا رامز عملت كده في العيال؟ مش حلو أن الولاد يقولوا كده، رمضان اللي جاي هتعلمنا إزاي نلطم؟ يا ريت نخلي بالنا من الكلام.