روت الفنانة الشابة هنادي مهنا، كيف خسرت وزنها، في وقت محدود، كما أكدت ان هذا كان وزنها قبل ان ترجع إلى مصر.
خسيت 50 كيلو.. هنادي مهنا تكشف الوصفة السحرية لـ خسارة الوزن
وصرحت خلال حوارها مع الإعلامية منى الشاذلي، ببرنامج “معكم” الذي يعرض عبر قناة سي بي سي الفضائية، من الاربعاء للجمعة في تمام الساعة 9 مساءً قائلة: “انا اختفيت من شهر 12 لحد 7 والناس قلقت واتخضيت عليا”.
وتابعت قائلة: “وانا برا مصر كان وزني كده بس لا رجعت مصر لا كلت وازاي الاقي محشي ومسقعة والاكل ده ومكلش وعملت كل حاجة بتتعمل عشان اخس واكتئبت جدا وكنت بعمل تمارين غلط واتخنت اكتر، والحمدلله خسيت، وكنت بلجأ لنظام غذائية واشياء اخرى تخصني”.
وأضافت قائلة: “وانا حطيت تارجت قدامي ان ارجع البس هدومي القديمة وكنت كل لما الاقي الهدوم ضيقة عليا يبقى لسه معملتش حاجة والميزان لا يعني لي شئ المهم عندي اللبس والفترة ديه كانت صعبة جدا وخسيت تقريبا 40 او 50 كيلو
هنادي مهنا بعد شخصية مريم توجه رسالة للبنات :”بيت العيلة لا”
ووجهت هنادي رسالة لجميع الفتيات، بعد شخصيتها وتجربتها في حكاية “بدون ضمان” وهي من ضمن حكايات مسلسل إلا أنا، وعبرت عن سعادتها بالمشاركة في هذة الحكاية قائلة: “من أول ما الورق اتبعتلي خلاص انا حبيت مريم جدا وأول مرة أحب شخصية كده والمسلسل كله كان حلو اوي”.
وأوضحت وجهت نظرها من خلال المسلسل قائلة: “انا من وجهت نظري الشخصية بيت العيلة ده مرفوض حتى لو الناس كويسة بس لما تبقى مع حماتها في البيت في فكرة بتسيطر عليها ان ديه مرة ابنها وخدت ابنها منها”.