أعرب الفنان خالد سرحان عن سعادته البالغة، لمشاركته الفنان الكبير عادل إمام في مسلسل مأمون وشركاه، مشيرًا إلى أن ذلك العمل أقرب الأعمال إلى قلبه لمشاركته الزعيم في عمل بمسيرته.
وأضاف “سرحان” خلال حواره ببرنامج ” الستات ميعرفوش يكدبوا ” المذاع على قناة ” cbc” قائلاً :” أقرب الأعمال إلى قلبي دوري في مسلسل مأمون وشركاه مع الزعيم عادل إمام ، وهو أب ليا ومن ساعة مابدأت وانا بشتغل معاه من وأنا في معهد السينما “.
خالد سرحان عن عادل إمام: أب روحي ليا.. واللي معداش على محطته مش نجم
وواصل سرحان: “هو بالنسبة لي أب روحي ليا ولناس كتير، مفيش نجم معداش على محطة الزعيم عشان يبقى نجم، والحمد لله علاقتي بيه جيدة وجميلة جدا”.
وأردف: “اشتغلت معاه حوالي 7 سنين في المسرح، روحنا فيها سوريا والعراق وأمريكا وبلاد كتير، تقريبًا هو الممثل الوحيد في مصر اللي كان بيشتغل 6 أيام مسرح، إحنا ساعات كنا بنفتح في رمضان، وأنا مكنتش فاهم ليه لأن رمضان مش موسم مسرح، ومع ذلك نلاقي جمهور كتير موجود كل يوم.. الأستاذ عادل قمة فنية وظاهرة لا يشبهها أحد أبدا”.