روى مؤدي المهرجانات حمو بيكا، قصة كفاحه خلال مسيرته، ونشر صورة له من 14 سنة عبر صفحته الرسمية بموقع تبادل الصور والفيديوهات “إنستجرام”.
حمو بيكا يروى قصة كفاحه
وعلق على الصورة قائلاً: “ما بين الصوره دي ودي فرق 14 سنه بحمد ربنا علي الي وصلتلو .. طول عمري شقيان موصلتش لاي حاجه بلساهل اشتغلت .. جزار – نجار مسلح – سواق توك توك”.
وتابع قائلاً: “دول اشهر حاجه الي كل الناس تعرفها اما باقي الشغل اي حاجه تتخيلها اشتغلتها شقيان وانا عندي ١٢ سنه المضمون اسعي يا عبد وانا اسعي معاك الحمد لله نعمه ربنا كبيره”.
View this post on Instagram
أبرز تصريحات حمو بيكا بعد مؤتمر هاني شاكر
ظهر مؤدي المهرجانات بيكا اليوم في بث مباشر يهاجم بعض الفنانين ونرصد أبرز تصريحات حمو ، عن المؤتمر الذي عقد بالأمس برئاسة نقيب المهن الموسيقية وأمير الغناء العربي، هاني شاكر وبحضور عدد كبير من النجوم ليتحدثون عن أسباب منع مطربي المهرجانات.
ونشر بيكا البث المباشر عبر صفحته الرسمية بموقع تبادل الصور والفيديوهات “إنستجرام”، وجاء من أبرز تصريحات حمو بيكا أنه هاجم الفنان تامر عبد المنعم قائلاً: “لقيت ندوة كبيرة معمولة والدنيا مقلوبة علينا، وبيستهزءوا بينا، وفيها ممثلين واحد اسمه تامر عبد المنعم، وطالع يقول مش هتكلم غير لما الناس تنزل من على المسرح، المكان اللي انت واقف عليه اسمه منصة، المسرح للمغنيين”.
وأضاف قائلاً: “كلها بتتكلم باسم مصر، أنا مصري وأحمل هوية مصرية، ويمكن عندي ولاء أكتر منكم في البد دي، مش كل واحد يطلع يقول مصر مصر”.
وأشار قائلاً: “كنت أنت فين وأنا وجمهوري نازلين في عيد أكتوبر وعاملين احتفالية كبيرة في الميدان، أنتم ليه بتتنمروا علينا، أو ليه شايفينا حشرات أو زبالة، أو مش ولاد ناس، أحنا ولاد ناس ومتربيين”.