عبرت الفنانة إنجي المقدم عن سعادتها بالمشاركة في مسلسل “ستات بيت المعادي” بعد عرض الحلقة الأخيرة، وجاء ذلك من خلال صفحتها الرسمية بموقع تبادل الصور والفيديوهات “إنستجرام”.
بعد عرض الحلقة الأخيرة.. إنجي المقدم عن “ستات بيت المعادي”
وعلقت قائلة: “امبارح تم عرض آخر حلقة من حلقات مسلسل #ستات_بيت_المعادي على @shahid.vod .. سعيدة جدا انى كنت جزء من المسلسل ده و سعيدة جدا بفرصة تجسيد شخصية جديدة و مختلفة زى شخصية “شيريهان” اللى حقيقى استمتعت بكل تفاصيلها و اللى اتعلمت و استفدت من خلالها بحاجات كتير .. سعيدة جدا بالتجربة و سعيدة جدا بالنتيجة و سعيدة جدا جدا بردود الأفعال عليها و على المسلسل كله”.
وتابعت قائلة: “سعيدة بالعمل مع طاقم محترف زى طاقم عمل المسلسل من إخراج و إنتاج و كاميرا و ملابس و ديكور و طبعا على رأسهم مخرج العمل الاستاذ محمد سلامة @mohamedsalama.official اللى حقيقى استمتعت جدا بالشغل معاه.
سعيدة باختيارى لدور (شيريهان) اللى كان جديد عليا و بعيد عنى تماما و اتمنى انى اكون اديته كما يجب. سعيدة بشغلى مع زمايلى كلهم و على رأسهم الاستاذ صبرى فواز @sabry_fawwaz و حبيبة قلبى كندوشى اللى جمعنا المسلسل مع بعض لأول مرة فى مشهد واحد @kindaalloush”.
وأختمت قائلة: “مبرووووووك النجاح يا حلوين و يارب دايما ناجحين و متألقين. حقيقى كانت رحلة ممتعة جدا بالنسبالى بكل تفاصيلها و اتمنى انكم تكونوا استمتعتم بالمسلسل زى ما كلنا استمتعنا بالعمل فيه. المسلسل لسة موجود على شاهد و اللى ماتفرجش لسة يقدر يتفرج دلوقتى على كل الحلقات كاملة”.
View this post on Instagram