علق أحمد جوبا زوج البلوجر آمال أبو المجد، على فيديو نشرته زوجته، وقالت أنه ضربها وعاملها بعنف وكاد أن يسقط الجنين.
وكتب أحمد جوبا، زوج آمال أبو المجد، عبر خاصية الاستوري بحسابه الشخصي عبر موقع التواصل الاجتماعي لتبادل الصور والفيديوهات القصيرة انستجرام: «يا جماعة أنا مش هتكلم عن الحقيقة علشان الحقيقة أنتوا شايفنها مش كاملة، وأنا هطلع اتكلم في ستوري واحد بس أو اتنين، هاختصر فيهم حاجات كتير لأن آمال لسة مراتي وعلى ذمتي، وكل اللي أنتوا شايفينه ده جزء صغير من الفيديو الكامل».
وأضاف: «أنا عمري ما هطلق أم ابني، ولا أقدر أعيش بعيد عن ابني يوم واحد، ولا هقدر أعيب فيها بأي كلمة، أو اي حاجة عشان البيبي اللي جاي ميقولش ابوه أذى أمه، لكن أمه أذت أبوه عادي، الست متستحملش والراجل يستحمل، وأنا الحمد لله جبل واستحمل أي حاجة».
أثارت البلوجر الشهيرة آمال أبو المجد جدل كبير خلال الساعات الأخيرة، بعد مشاركتها مجموعة من الصور عبر خاصية الاستوري بحسابها الشخصي بموقع التواصل الاجتماعي “انستجرام”، تستغيث فيها من زوجها.
وقالت آمال أبو المجد: يؤسفني أقولكم إن جوزى أحمد اللى كنتوا كلكوا بتشوفوه بيحبني أهو اللى بيحب، شوفتوا الرجولة؟.. إيه رأيكم كان عايز يجهض الجنين.
كما حررت آمال أبو المجد، محضرًا ضده للتعدى عليها بالضرب وتسبب في فقدانها جنينها، بعد أقل من عام زواج، وقالت:«أنا كنت مختفية مش حزن ولا مرض، حق الست اللي تتسحل وكانت هتسقط في شهرها الثالث فين، هو بكل سهولة طلع من النيابة أكنو معملش حاجة، بس أنا واثقة إن هنا الحق موجود».
جديرًا بالذكر كان قد أثارت آمال أبو المجد جدلًا كبيرًا بعد انتشار فيديو لها وهي ترقص بطريقة غريبة مع المطربة شيماء المغربي، على أغنية “غيري مني وولعي”، وظن الكثير أنها كانت تشير إلى إحدى الفتيات.