هنأ المخرج أحمد شفيق الفنانة روجينا في عيد ميلادها ونشر مجموعة صورة تجمعهما سوياً ومن أبرزهم صور من كواليس تصوير مسلسل “بنت السلطان”، وجاء ذلك عبر صفحته الرسمية بموقع تبادل الصور والفيديوهات “إنستجرام”.
وعلق على الصور قائلاً: “كل سنه وانتي طيبه ياعسليه. كل سنه وانتي ناجحه كل سنه وانتي ربنا راضي عنك وبيراضيكي
ياجماعه علي قد فرحتي بالمسلسل ونجاحه الحمد لله بس فرحتي بروجينا اكبر والقريب مننا حيعرف اني صادق جدا”
وروى قصة تعارفهم قائلاً: “روجينا دخلت المعهد علي ايدي انا وايمن سلامه روجينا اللي رحت مع الدكتور اشرف علشان يخطبها بعد ما قالي انا حتجوز البنت دي روجينا اللي شايفها من زمان تستحق المكانه دي بس دائمآ بنقول كل شيء نصيب وكل حاجه في وقتها روجينا فنانه بتشتغل علي نفسها وبشتغل بإخلاص عمرها ما قالت انا عايزه ابقي بطله”.
وتابع قائلاً: “الحمدلله شغلها واجتهدها هو اللي فرض انها تكون النهارده بطله بتنافس في موسم صعب في زملاء كتير كويسين وعملين اعمال حلوه وناجحه برضه بس الحمد الله في وسط كل ده بتثبت نفسها وقدرتها علي انها تكون وسط الكوكبه الجميله دي”.
وأضاف قائلاً: “انا لو قعدت ايام اكتب مش حوفيها حقها روجينا اختي وصديقتي بجد انتي شاطره ومجتهده وانا بحبك قوي وبتمنالك كل خير ويارب يكملنا النجاح وتسعدي جمهورك اللي بيحبك وكل سنه وانتي طيبه يااحلي روجينا واحلي عسليه”.
View this post on Instagram
اقرأ أيضاً..