أعربت الفنانة والإعلامية إسعاد يونس، عن سعادتها البالغة بالمشاركة في التمثيل مع الفنان القدير عادل إمام، في بعض أعماله الفنية، لافته عن حبها الشديد للظهور مع الفنان سعيد صالح في فيلم زهايمر.
إسعاد يونس عن مشاركتها في الزهايمر
وقالت إسعاد يونس خلال برنامج “سهرانين”، مع الفنان أمير كرارة، والذي يذاع عبر قناة”on”:” عادل إمام السنين بتخليك تحس أن الناس دي تحت جلدك، وعملت معاه فيلم زهايمر ،وكنت بطلت تمثيل بس أنا اللي طلبت منه”.
وواصلت يونس:” روحت قولت لعادل أمام انا عايزة أصور معاك في فيلم ، وكنت أول يوم تصوير كنت بترعش وخايفة في فيلم طلعت في شريرة اوي، وكنت عارفة ان الشخصية هتطلع خطيرة وروحت عملت بوتكس عشان الشخصية، وقولت للكوافير ارفعلي حواجبي، والمخرج لما شافني قالي ايه ده، والفيلم ده كان من توزيعي”.
وأستكملت يونس:” أول لما دخلت أول مشهد عادل إمام ضربني بالشبشب، وشاركت في زهايمر عشان أظهر مع سعيد صالح بس”.
إسعاد يونس تروي كواليس دخولها عالم الفن
من جانبه روت إسعاد يونس في حلقة أمس مع الفنان أمير كرارة تفاصيل بدايتها في مجال الفن والتمثيل ووجهت الشكر للفنان الراحل سمير غانم.
وصرحت خلال حوارها مع أمير كرارة قائلة: “البداية كانت مه استاذ سمير غانم الله يرحمه كنا بنروح كتيبة الفقدانين هما كانوا مسمينا كدة والاذاعة تنزلنا في اي وقت نعمل اي حاجة وعرفت كل الناس وسمير كان قريب مني جدا وهو كان صاحب الفضل ان ادخل مجال الفن”.
وتابعت قائلة: “كان بياخدنا معاه البروفات وحضرنا بروفات مدرسة المشاغبين وسمير وجورج كانوا بياخدوني ديما معاهم عشان نعمل علاقات واتعرفت على ناس كتير اوي بفضلهم” مازحة أمير كرارة: “انا بفضح الدنيا وبقول حاجات هنودينا في داهية بس مش مهم”.
وأشارت قائلة: “ومن ساعت ما ابويا مات هو مات وانا عندي 14 وانا واخواتي ماما بقيت ولية امرنا ومحدش كان بيقدر يتكلم معانا، ومحدش قدر يمنعني عن الفن”.