أعربت الفنانة والإعلامية إسعاد يونس عن استيائها الشديد، بسبب الاستخدام السئ لوسائل التواصل الاجتماعي الحديثة.
إسعاد يونس عن إستخدام السوشيال ميديا
وقالت إسعاد يونس خلال استضافتها، ببرنامج “سهرانين” مع الفنان أمير كرارة عبر قناة “On”:” احنا دلوقتي بقينا وشوش بتبص في الموبايلات، ومينفعش خالص.. لازم نتعامل مع الناس عشان هما اللي بيطوروا الأشياء مش الأشياء اللي تمشينا”.
روت كيف عاشت أيام شبابها أثناء عملها في الإذاعة والتليفزيون، قبل ان تدخل عالم الفن والتمثيل قائلة: “وانا صغيرة كنت بصلح اي حاجة تبوظ في الشقة يعني اصلح الكهربا في البيت”.
إسعاد يونس تروي أيام شبابها وبدايتها في الفن
أشارت انها كانت تعمل في الإذاعة والتليفزيون قبل ان تدخل عالم الفن قائلة: “واشتغلت في الاذاعة وكان بيني وبين التليفزيون نص ساعة ماشي وكنت بحب البس الشبشب اللي بكعب ده عشان امشي واترقع بيه”.
من جانبه روت في حلقة أمس مع الفنان أمير كرارة تفاصيل بدايتها في مجال الفن والتمثيل ووجهت الشكر للفنان الراحل سمير غانم.
وصرحت خلال حوارها مع أمير كرارة قائلة: “البداية كانت مه استاذ سمير غانم الله يرحمه كنا بنروح كتيبة الفقدانين هما كانوا مسمينا كدة والاذاعة تنزلنا في اي وقت نعمل اي حاجة وعرفت كل الناس وسمير كان قريب مني جدا وهو كان صاحب الفضل ان ادخل مجال الفن”.
وتابعت قائلة: “كان بياخدنا معاه البروفات وحضرنا بروفات مدرسة المشاغبين وسمير وجورج كانوا بياخدوني ديما معاهم عشان نعمل علاقات واتعرفت على ناس كتير اوي بفضلهم” مازحة أمير كرارة: “انا بفضح الدنيا وبقول حاجات هنودينا في داهية بس مش مهم”.
وأشارت قائلة: “ومن ساعت ما ابويا مات هو مات وانا عندي 14 وانا واخواتي ماما بقيت ولية امرنا ومحدش كان بيقدر يتكلم معانا، ومحدش قدر يمنعني عن الفن”.