يبحث الكثير عن أبرز تصريحات تامر حسني مع منى الشاذلي، وذلك بعد أن أشعل استوديو برنامج “معكم” أمس ضمن سهرات رأس السنة 2022، عبر فضائية CBC.
أبرز تصريحات تامر حسني مع منى الشاذلي
تحدث الفنان تامر حسني، عن حفلاته الذي يحييها، مشيرًا إلى أنه يتعمد في جميع حفلاته أن يسعد جمهوره، ومن أجل أن يشيد بالحفل المغتربين عن مصر.
وذكر تامر حسني على هامش اللقاء قائلاً: هو مبدأ ان ببقى طالع افرح الجمهور مش طالع شغل هو لو شغل مفي مشكلة مسرح وحفل وخلاص بس لا عايز افرح الجمهور عشان الناس اللي في الخارج تشوف ان مصر فيها حفلات حلوة.
وأضاف: من ناحية المجهود فهو بيبقى مجهود كبير جدا مني وبيبقى مكلف جدا جدا والحفلات بتبقى متعبة بس كله عشان افرح جمهوري والمسرح الاحمر كان 360 متر تقريبا كان حاسس ان بلف تراك.
وواصل: وأنا بركز على ان اكون مختلف وديما بطور من نفسي جدا وبحب اسمع الانتقادات جدا والاراء السلبية عشان احسن من نفسي وبغير من نفسي ديما زي مثلا لما كنت بلبس القميص وافتحه لاقيت انتقادات كتير جدا بسبب كده خلاص غيرته.
أبرز تصريحات تامر حسني مع منى الشاذلي
قال الفنان تامر حسني، أنه يتمنى أن يكون فنان شامل، مشيرًا إلى أن ينتج، ويخرج ويلحن أعماله، وحصد جائزة من الولايات المتحدة الأمريكية بسبب تميزه.
وذكر تامر حسني قائلاً: عايز ابقى فنان شامل وحابب ده يعني بكتب لنفسي والحن لنفسي والف واغني وكل حاجة اخدت جايزة من الولايات المتحده بان ده أول تحصل، وأنا بغني واكتب والحن واخرج ومثلت وانتجت لنفسي وفي افلام من انتاجي و90 ٪ من افلامي من تأليفي.
وواصل تامر حسني قائلاً: لما بحضر فرح يعني مثلا فقرتي ربع ساعة لا انا بفضل موجود واغني وطول ما الناس مبسوطة انا ببقى مبسوط جدا جدا حتى الناس اللي معايا تقولي خلاص يلا انا بفضل قاعد عشان الناس فرحانة بيا.
أبرز تصريحات تامر حسني مع منى الشاذلي
كشف الفنان تامر حسني، حقيقة مشاركة الفنان بهاء سلطان له أغنية راجعلي ليه، مشيرًا إلى أنه حدثت بعض الظروف، وقام بتقليد صوت بهاء في الأغنية.
وصرح تامر حسني :انا اتفقت مع استاذ نصر محروس بعد أغنية قوم اقف وانت بتكلمني وكلمت بهاء قولتله تعالى نعمل مفاجأة لـ نصر محروس، ووحت استنيته في الاستوديو واتصل بيه مش بيرد المهم ان الاستاذ نصر محروس قاعد مستني.
وأردف: في الاخر بهاء رد عليا قالي ايه يا تامر طب تمام وهو اصلا كان نايم المهم سجلت الأغنية الجزء بتاعي وسجلت الجزء بتاع بهاء بصوت بهاء واستاذ نصر محروس بيسمع سمع الجزء بتاعي تمام وبعدها سمع الجزء بتاع بهاء راح قايل معلم قولتله مين اللي معلم قالي بهاء قولتله ده انا بس والاغنية اتسربت بصوتي.
وأختتم تامر حسني قائلاً: بهاء قعد يقولي الناس بتطلب مني الاغني وانا مش عارف هي فين ومين اللي بيغنيها ونزلت امته اصلا.