حرص العديد من نجوم الفن، على التعليق، على حادث ضرب عريس، لعروسه في يوم زفافهما بالاسماعيلية، وذلك عبر حسابتهم الشخصية بمواقع التواصل الاجتماعي.
وحصد لكم موقع “أوان مصر”، في السطور التالية، أبرز نجوم الفن المعلقين على الحادث.
سمية الخشاب
كتبت سمية الخشاب، عبر حسابها الشخصي بموقع التغريدات القصيرة، تويتر: انا زهقت اوي مجتمع ذكوري بحت واهانه المرأة بقت حاجه عاديه ويمكن تكون حق مكتسب كمان للراجل واحنا مش واخدين بالنا، والمفروض انها تسكت وتداري وتعدي عشان كلام الناس والفضايح والمجتمع اللي مبيسبش حد فحاله والذي منه، الفاتحه علي الجهل والتخلف والـ لا انسانية.
صبري فواز
كتب صبري فواز عبر حسابه بـ فيسبوك: لو حد باس مراته في الشارع، هايتجرس هو و هي و ممكن يموتوا من الضرب، عشان المجتمع و حياؤه ينبسطوا ،و لو حد ضرب مراته في الشارع، المجتمع مش هايتدخل غير بكلمة ( خليه يربيها ) .. عشان المجتمع و قلة حياؤه ينبسطوا.
ريهام حجاج
كتبت ريهام حجاج في منشور لها بفيسبوك: هو العنف والضرب والسحل في الشارع ما يعتبرش فعل فاضح في مكان عام ليه؟!!، عايز تضرب مراتك ومراتك راضية اعملوا دا في بيتكم.. المجتمع والناس والأطفال اللي ماشية في الشارع ذنبهم إيه .. يشوفوا المنظر دا؟!، إزاي يبقي في إعلام بيصدر للناس إنه شئ عادي ونتعود عليه ونتقبله .. فين حق المجتمع.
أسر ياسين
كتب أسر ياسين عبر تويتر، قائلًا: جدي كان دايماً يقوللي، عارف الفرق بين الراچل اللي بصح والراچل الغلط؟ الراچل اللي بصح مَرَته بتمشي جدامه ويصونها زي الملكة، أما الراچل الغلط هو اللي بيجر مرته وراه زي البهيمة ويمد ايده عليها.