قُتل محصل بشركة مياه الشرب والصرف الصحى بالفيوم على يد مسجلين اثنين خطر لسرقته أثناء عودته من عمله وفرا هاربين وتكثف الأجهزة الأمنية في الفيوم من جهودها للقبض على المتهمين .
وقال محمود بكر ، نجل خال المجني عليه ويدعى ” محمد ، 25 عامًا “، عبر صفحته على موقع التواصل الاجتماعي ” فيس بوك” :” دي مش قصة ولا رواية دي حقيقة حصلت النهاردة شاب في أوائل الشعرينات بيشق طريقه في الحياة بيكافح وبيتعب عنده طفل ماتمش سنة أحلامه بسيطة أنه يكسب لقمته بالحلال ويربي ابنه”.
وأضاف بكر قائلا :” شغال محصل في شركة المياة اتنين من القتلة المجرمين معدومي الضمير مجموعة من معتادي الإجرام والافلات بجريمتهم ترصدوه وهو راجع من شغله قطعوا عليه الطريق الدائري في الفيوم وحاولوا سرقة فلوس التحصيل بس محمد راجل دافع عن الامانة اللي معاه كسروله رجله وايده وهو بيقاومهم لحد ماكسروله راسه ووقعوه وكملوا عليه لحد ماقتلوه ابن عمتي مات بس مات وهو راجل والمجرمين معتادي الخسة والندالة اللي قتلوه لسه احرار فرحانين بسرقتهم بيصرفوها عالمخدرات والغواني وهما فاكرين انهم هربوا من جريمتهم”.
وطالب نجل خال المجني عليه وزير الداخلية اللواء محمود توفيق بالقبض على الجناة وإحالتهم إلى النيابة العامة بتهمة القتل قائلا :” احنا عايزين حق محمد حقه لازم يرجع”.