أمرت النيابة العامة, بإحالة سائق أوبر إلى محكمة الجنايات, لإتهامه بمحاولة اختطاف المجني عليها حبيبة الشماع, وحيازته جوهر مخدر الحشيش في غير الأحوال المصرح له قانونيا بحيازتها, وقيادة مركبة آلية تحت تأثير المواد المخدرة.
وكشفت تحقيقات النيابة العامة, أن المتهم سائق أوبر سبق غلق حسابه من قِبَل الشركة, نظرا لكثرة الشكاوى المقدمة ضده من المستخدمين, والتي تضمنت إحداها تضرر سيدة منه, إذ قام بالتحرش بها جسديا.
وأكدت الشركة خلال التحقيقات, أن المتهم تمكن من استخدام التطبيق مجددا, عن طريق استخدام رقم قومي آخر.
وكشفت والدة حبيبة الشماع, عن مفاجآت خلال تحقيقات النيابة العامة.
وقالت والدة حبيبة الشماع: بنتي خرجت وكانت رايحة التجمع وعشان أنا كان معايا العربية وساعتها بنتي طلبت عربية من أوبر، وكلمتني قالت لي أنها ركبت العربية وكان صوت الراديو جنبها عالي وقالت له وطي الصوت ومسمعتش هو قال ايه لكن هي قالت لي ده سواق غريب جدا، وشكله مش مظبوط قولتلها انزلي واطلبي عربية تاني وقالتلي متقلقيش وقفلنا.
وتابعت: بعد ساعة لقيت صاحبتها بتكلمني وقالت لي حبيبة عملت حادثة في أوبر وأنها معاها ورايحين مستشفى الشروق ورحت لهم على هناك ولقيت ضابط من القسم بيسألني عن اللي حصل، وبعدها اتنقلت للمركز الطبي وقعدت معاها واللي عرفته من الشاهد أنها نطت من العربية على طريق السويس قبل الكارتة.
وأضافت: طلعت بيانات السواق من التطبيق من تليفونها وعرفت أن مدة الرحلة 11 دقيقة ومكان الانتهاء على طريق السويس، وصورة سائق التطبيق وعرفت أن حبيبة في غيبوبة ودماغها مفتوحة وعندها ارتشاح في المخ ونزيف داخلي وضغطها عالي وعندها جروح وسحجات متفرقة في جسمها ومكنتش بتتكلم ساعتها.