كشف حازم فتوح وكيل كارتيرون مدرب الزمالك السابق ان عدم حل مشاكل ومستحقات اللاعبين هو سبب رحيل المدير الفني الفرنسي عن تدريب الفريق الأول لكرة القدم بالنادي موضحاً ان كارتيرون قرر الرحيل عن تدريب الفارس الأبيض بعد مباراة الاهلي في الدوري.
واكد فتوح في تصريحات تليفزيونية ان كارتيرون مكنش عاوز يجدد مع الزمالك و رفض عروض من الامارات اعلى من عرض التعاون لانه مكنش مرتاح وكان عاوز يرجع لفرنسا و رحل عن الزمالك بعد ذلك دون امتلاكه لأي عرض.
وأستكمل وكيل كارتيرون بلغني انه عاوز يستقيل وطلب مني الحضور عشان نحضر صيغه الاستقاله فبعت لصديق ليا اسمه “محمد الرجباني” وهو اللي عمل صيغه الاستقاله وهو برضو اللي ماسك الامور القانونيه و التعاقدات في نادي التعاون ومن هنا جه عرض التعاون لكن كارتيرون مكنش ليه اي عروض عند الاستقاله.
واضاف ان المدير الفني السابق للزمالك طلب من امير انه يجيله الساعه 2 الفجر عشان يقدمله الاستقاله ولما امير جاله افتكره بيهزر لكن كارتيرون قاله انت مخدتش كلامي عن حل مشاكل اللاعبين بجديه ودي مشكتلك انا مش هفقد مصداقيتي مع اللعيبه.
واختتم حديثه قائلاً: كارتيرون الكل شاف الطريقه والفيديو اللي اتذاع بعد الاستقاله وده كان سبب كافي لعدم توديعه للاعبين قبل رحيله.