حلت الفنانة وفاء عامر ضيفة ببرنامج البخت، الذي يعرض على قناة الشمس، وتحدتث عن أعمالها الفنية، وعن علاقتها مع باقي زملائها في الوسط الفني.
وقالت «عامر» عن غادة عبد الرازق: «مش صاحبتي، وأنا سبق وقولت دا في المركز الكاثوليكي، الصداقة دي معناها كبير أوي، ولما أقول أنتي صاحبتي يعني لازم نكون بناكل ونشرب وأسرارنا مع بعض، وأنا مروحتش أنام تحت العمارة وقولتلها والنبي الله يخليكي صاحبيني، ومش بتلزق فيها».
وعن علاقتها بـ الفنانة سمية الخشاب: «سمية مش صاحبتي، وسبق وأساءت لى بس اعتذرتلي، وأنا عزراها، سمية اشتغلت في رواية أنا كنت فيها بطلة، وكنا بنتقابل، وأنا مش فاضية وبشتغل وبعمل أدوار حلوة بس، وصديقاتي المقربات في الوسط الفني هم أيتن عامر، وريم البارودي».
مشهد وفاء عامر ومحمد رمضان في «نسر الصعيد»
وتحدثت وفاء عامر عن تفاصيل المشهد المسرب الذي يجمع بينها وبين الفنان محمد رمضان في مسلسل «نسر الصعيد»، معلقة: «أنا بقدر أقول لأ لو حاجة ضد ما أؤمن به الآن».
وتابعت: «طبيعة أدواري تغيرت منذ 15 سنة، والمشهد ده اتصور الساعة 6 الصبح وبصيت على الورق وكان مشهد مضاف».
وأضافت وفاء عامر : «معرفش المشهد ده اتسرب إزاي، وساعتها سبت رسالة لـ جمال العدل عن المشهد ده، وقالي لو المشهد يخل بالسياق الدرامي هشيله»، معلقة: «المشهد ضدي وضد محمد رمضان، وجايز انا مفهمتش الكلمة اللي اتقالت ومحبش إنه يتم الترويج لها لأنها ذات معنى بايخ».