كشفت الفنانة وفاء عامر عن تفاصيل مشاركتها في مسلسل العيلة دي، والمقرر عرضه السبت القادم عبر شاشة قناة DMC.
قالت وفاء عامر، خلال مداخلة هاتفية مع الإعلامي رامي رضوان، عبر برنامجه مساء DMC: «مسلسل العيلة دي، فيه مجهود كبير إننا نعرض وأحنا لسه بنصور فبنصور من 18 لـ 20 ساعة في اليوم، والمسلسل الجيد الذي يمس الإنسانية والحياة الواقعية التي نعيشها بيكون أهم من اختيار عمل لـ رمضان، وبتبقى نفس نسب المشاهدة».
وأضافت: «أتمنى إن مسلسل العيلة دي يعجب كل الناس، لأن الفكرة تعبنا فيها جدًا، أستاذ يسري الفخراني اختار القصة دي بعناية شديدة وشارك فيها وادانا توجيهات لكل الفريق وأنا بشكره جدُا على مجهوده معانا ومتابعته لينا في كل المشاهد».
كما تحدثت وفاء عامر، عن الفكرة التي يتناولها مسلسل العيلة دي، معلقة: «المسلسل بيتكلم عن العيلة دي بكل تفاصيل حياتها اليومية، وإزاي ممكن الشخص يقف على رجله تاني، وإزاي أفراد العيلة هتقف في ضهر بعضها، وعن السفر برة للعمل في وظيفة أقل، عيلة حقيقية بجد وأتمنى إننا نكون عكسنا شكل عائلات الوطن العربي كله».
وأردفت أنه من المحتمل أن يكون هناك جزء ثاني من المسلسل الذي يتكون من 30 حلقة، معقبة: «كنت أتمنى يكون 100 حلقة، وأنا عرفت إنه من المحتمل إن شاء الله هيكون فيه جزء تاني من العمل».