نشرت الفنانة بدرية طلبة، منذ قليل صورة لها من حفل زفاف نجلتها سلمى، وذلك عبر حسابها الشخصي على موقع التواصل الاجتماعي «فيسبوك»، وظهرت الفنانة بدرية طلبة في الصورة مع شاب ذوي الهمم صاحب واقعة الفنان أحمد عبد العزيز.
وعلقت بدرية طلبة على الصورة قائلة: «جماعة بعد اذنكم انا معزمتش حد ولا اعرف طريقه ولا دا مين انا لاقيته في الفرح ومكانش ينفع اعمل اي رد فعل الا اني ارحب بيه وللاسف دا شخص منساق فيه ناس بتسترزق من وراه بيستفادو منه ومن اي لقطه تحصله ماشين وراه بكاميرات التليفونات بتاعتهم وبيزقوه في اي حتة وفي اي حاله مستفيدين منه وبكررها لاعزمته ولا اعرفه وكونى ارحب بيه دا امر طبيعي انا ترند مش مستنيه حد اعمل بيه ترند عيب».
مفيش حاجة اسمها أروح عند أمي.. نصائح بدرية طلبة لابنتها يوم فرحها
ووجهت الفنانة بدرية عدة نصائح لـ ابنتها في حفل زفافها، والذي أقام في أحد الفنادق الكبرى بالقاهرة، الأربعاء الماضي والموافق 24|4|2024 قائلة:«أنا النهاردة خلاص مهمتي انتهت، وأقولها خلي بالك من جوزك ومفيش حاجة اسمها أخد شنطة هدومي وأروح عند أمي، الكلام ده بقى قديم وأي مشكلة في الآخر بتنتهي، إحنا ناس مبتحبش المشاكل وبنتأنى في مين اللي جاي لـ بنتنا».
مضافة: «وبقولها بلاش حد يعرف مشاكلكم أنتوا مصيركم هتتصالحوا واللي عرف المشكلة هو اللي هيشيل من الطرف التاني، وأنا مربية بنتي أن مفيش حاجة اسمها شغل بعد الجواز أو بعد التخرج».