كشف الفنان هاني سلامة عن أصعب عمل شارك في خلال مسيرته الفنية، وكان هذا العمل فيلم أدار سنة 2005، وكان من اكثر الافلام التي اثرت في داخلياً.
هاني سلامة عن “إنت عمري”
وصرح خلال حواره مع الإعلامية إسعاد يونش ببرنامج “صاحبة السعادة” الذي يعرض يومي الاثنين والثلاثاء في تمام الساعة 11 مساءً، قائلاً: “إنت عمري سنة 2005 اصعب فيلم مثلته نفسيا وداخليا وهو اصلا فيلم صعب جدا والاحساس الداخلية كانت صعبة”.
وتابع قائلاً: “وكان فيلم حلو اوي ومن وجهت نظري الشخصية ده من احلى الافلام اللي عملها خالد وكان في شوية اغاني حلوين اوي”.
هاني سلامة يكشف كواليس السلم والتعبان
وصرح قائلاً: “السلم والتعبان انا عملت في موقف اتعلمت منه كتير والموقف ده اتعلمته من الاستاذ يوسف شاهين واتعلمت منه كتير بصراحة وكان في مشهد كده ان الاستاذ طارق عايز حلا تعيط وقعد يتكلم مع حلا كتير اوي بس حلا مكنتش عارفة تستحضر اللحظة ديه ومش عارفة تدخل في المود ده”.
وتابع قائلاً: “وقولت لطارق استأذنك في حاجة ممكن تطلع الناس وتديني 5 دقايق مع حلا وقفت واتكلمت مع حلا وتقمصت استاذ يوسف اوي وقولتلها حلا انا عارف انتي بتحبيني ازاي وانا بحبك ازاي ودلوقتي لو سمعتي خبر وفاتي وبدءت اجهزها وعيني بدءت تلمع وعيطت وحلا عيطت روحت واخدها من ايديها وقولت لاستاذ طارق يلا والمشهد اتاخد من اول مرة”.