رفضت الفنانة نورهان فكرة تحريم الفن بشكل عام، مؤكدة أن الفن موهبة من عند الله، حلاله حلال وحرامه حرام.
وقالت نورهان في استضافتها ببرنامج البخت، المذاع عبر شاشة قناة الشمس، أن الفن موهبة أنعم علينا ربنا بيها، حلاله حلال وحرامه حرام.
كما أشادت الفنانة نورهان شعيب بدور الفنان خالد الصاوي “المثلي الجنسية”، بفيلم عمارة يعقوبيان.
وقالت نورهان: في الوقت الحالي الموضوع ده أصبح وباء وكل بيت بيتناقش فيه وكل طفل ومراهق وشاب بيتعرض له وهناك حملة شرسة لفكرة تعميمه والتعامل معاه على أنه شيء عادي.
وأردفت نورهان: خالد الصاوي لعب دوره كويس جدًا، وكمان الدور مكانش موظف أن الناس لازم الناس تتقبله، زي ما كانت نتفليكس بتعمل وتظهر أن الشخص ده واحد مننا ولازم نتقبله، لكن الدور مُدان واتعمل في السياق الدرامي بما يسمى بالعدالة الشرعية وبيبن إن اللي بيغضب ربنا نهايته كده فبالعكس ده يتحسب له في ميزان حسناته إنه بيوعي الناس.
وأضافت: ده فيلم مش مسلسل هتعرفي نهايته ولما يكون الممثل بيؤديه بجدارة هيحصل الهدف الرئيسي للدراما منه، والهدف من الدراما على أنها تثير التعاطف مع الشخصيات الكويسة.