كشفت الفنانة نورهان عن سعادتها بما قدمته من مشوار في الوسط الفني قائلة :’ ربنا اداني اكتر من اللي استحقو ومحظوظة جدا بالمشوار ده وفكرة إن الناس تفتكرني بمسلسل ” الحاج متولي” الاول كان بيضايقني لأنه كان بيختزلني كإنسانة ومفنانة وكنشوار في مسلسل واحد، لكن بعدها اتبسطت لأنه مش اي حد بيحظي أنه يكون ليه عمل كل الدول العربية بتابعه وكل الأجيال بتحبوا.
أضافت خلال حوارها مع الإعلامي شريف عبد الرؤوف في برنامج on the top المذاع عبر قناة ” الشمس” قائلة:’ الاطفال الصغيرين اللي بدرسلهم عارفينه وشافوه ومش مضايقة من الموضوع، لكن بره بيسموها لعنه العمل الواحد.
وتحدثت عن حجم الأعمال التي قدمتها في بدايتها الفنية :’ كنت وقتها صغيرة ومش حاسة بحجم القيمة اللي ربنا ادهالي وكنت طفلة بروح العب واشوف الناس اللي بتفرج عليهم في التليفزيون وبعمل حاجه بحبها مش واخدة الموضوع بعمق لكن لما كبرت وأدركت عرفت قد إيه أنا محظوظة.
وكشفت نورهان عن سبب غيابها عن الفن :’ كان بيتعرض عليا حاجات لم تناسبني فبدأ يتقال نورهان بتعتذر كتير ومش بتحب تشتغل سينما، دا كان بالتزامن مع تركيزي في الجواز والخلفة لأني كنت وحيدة وعاوزة أخلف عيال كتير وقلت لا هقعد شوية وقعدت ٦ سنين بعيدة.