واصلت الفنانة ناهد السباعي، تصريحاتها المثيرة للجدل والجريئة، حيث قالت إنه ليس لديها أي مانع لتتزوج من شخص مسيحي الديانة، على الرغم من كونها مسلمة.
ناهد السباعي والجواز من اليهودي والمسيحي
وأضافت السباعي، خلال استضافتها في برنامج “VIp”مع الإعلامية أميرة بدر على قناة “هي”: شايفة إننا كلنا بنعبد رب واحد وكلنا أديان إبراهيمية، ممكن اللي أنا شايفاه يبقى غلط وحرام، وأنا مش ضد الجواز من حد مسيحي.
واستكملت: لو حبيت حد يهودي هتجوزه برضو عادي، نفس موقفي من المسيحي هوافق، ولكن إسرائيلي لأ طبعا، وأنا بحب المراسم الدينية في الجواز، ومبحبش المراسم المدنية، وبحب زي ما في مراسم في الجوامع وبحب شكل الأفراح في لبنان، شفت زفة فيها أجراس وأذان، ولكن لو حاجة حرام مقدرش أعملها.
واستطرت السباعي: عشان تبقي مؤمنة لازم تبقي مؤمنة بأديان ربنا كلها، يعني أولادي يكونوا مؤمنين بالثلاث أديان، وهعلمهم الطقوس الإسلامية، أنا تعليم مدارس راهبات، اللي هيدخل الجنة في الآخر هو المؤمن.
رانيا يوسف نجمة الإغراء وسعد نمبر وان
توفي ذات السياق حدثت ناهد السباعي، عن حبها الشديد للفنان عمرو سعد، والذي تشاركه بطولة مسلسله الرمضاني الحالي الأجهر، مشيرة إلى انه إن لا يوجد ما يسمى بـ نمبر وان لأن هناك من يرى الفن شيئا جيدًا والعكس صحيح، ولكني أفضل مشاهدة عمرو سعد بشدة في هذا السباق الرمضاني.
وردا على سؤال من هو الفنان صاحب لقب نمبر وان، من بين الفنان محمد رمضان، والفنان عمرو سعد، والفنان مصطفى شعبان، قالت : عمرو سعد أحب أشوفه في رمضان ده عشان مسلسلي معاه.
وتحدثت ناهد السباعي، عن المخرج الكبير يسري نصر الله وقالت: أستاذ يسري سبب أول فيلم ليا ورحت مهرجان كان في المسابقة الرسمية وخلاني أخد خطوات كتير في حياتي بتعلم منه لحد مسلسل منورة بأهلها.
وعن رانيا يوسف وهل هي نجمة الإغراء الأولى في مصر قالت: بشوفها أمورة ومغرية، بحس أنها عملت أفلام كتير ممكن تكون نجمة إغراء”.
وتابعت ناهد السباعي أن والدتها المنتجة ناهد فريد شوقي، تعلق على إطلالتها في المهرجانات : والدتني بتنصحني وممكن تقولي اللي انتي لابساه مش لايق على ميك اب، وساعات ممكن تلبسي حاجة وتطلع على الريد كاربت مكشوفه أكتر، وماما ساعات كتير بتمنعني من لبس معين.
وبرنامج vip يعرض على شاشة “هي” يوميًا في شهر رمضان في تمام الساعة 11 مساءً، كما يعاد عرضه في اليوم الثاني في تمام الساعة 3 صباحًا، والساعة 10 صباحًا.