صرحت الفنانة نادية الجندي عن مسيرتها الفنية عن الأزمات والاتهامات التي لاحقتها بأن السبب وراء نجاحها السينمائي الرقص والملابس الجريئة،كونها امرأة مغرية وجذابة في السينما، قائلا : “لما نجحت حاولوا ينسبوا النجاح لأي حاجة غير إني نجحت أو إني ممثلة جيدة ويقولك أصلها بتعمل استعراض أصلها بترقص.. قالوا في بمبة كشر إني لبست لبس محصلش وإنه كان اللبس سبب النجاح.. الفيلم اللي بعده عملت دور شوق بنت غلبانة بالجلابية عشان اثبت لهم إنه لأ مش اللبس اللي نجحني.. أنا أهو بجلابية والفيلم نجح وكسر الدنيا”.
وأضافت نجمة الجماهير خلال لقاءها مع الإعلامية جيسيكا عازار ببرنامج “الأحد منحكي” على شاشة mtv اللبنانية، أنها طوال مسيرتاه الفنية لم تنافس أحدا ولم ينافسها أحد، لأنها اتخذت لنفسها نهجا خاصا بها، أدى لتميزها عن غيرها، قائلة: “الفنان الذي يحاول التقليد وإن هو يمشي على خطى فنان تاني مبينجحش.. حاولوا يقلدوني كتير لكن دايما الأصل هو اللي بيكسب”.
وتابعت: “قدمت كل الأدوار لأن دايما أحب ألون وأتنوع ماحبش أحصر نفسي في لون واحد وده الفنان الشامل اللي يقدر يعمل كل الأدوار، دايما لما اعمل عمل وينجح افكر في اللي بعده انه يكون مختلف وده اللي عملي استمرارية لغاية دلوقت”.