كشفت الفنانة غادة عبدالرازق عن طرق ملابسها، والتي دائماً تتصدر التريند عبر منصات التواصل الإجتماعي، بسبب شغفها لـ الأزياء والموضة.
وقالت: «لو كان الموضة والفاشون يليق عليا وعلى شخصيتي وسني اكيد بلبسها، لو متناسبنيش لا مقدرش طبعا البسها اكيد في سن تاني وستايل لبنات تانية تليق عليهم اكتر مني».
مضافة: «وأنا محدش يقدر يقولي البس ايه وملبسش ايه».
غادة عبدالرازق: اللي بيكسرني هو الفشل في الشغل.. وأعداء ممكن يحاربوني
وسبق وحلت الفنانة غادة عبد الرازق، ضيفة مع الإعلامية لميس الحديدي ببرنامج “كلمة أخيرة” المذاع على شاشة قناة ON.
وتحدثت خلال الحلقة عن مسلسلها الأخير صيد العقارب، والذي حقق نجاحا واسعا خلال عرضه بماراثون رمضان الماضي.
وتحدثت غادة عبد الرازق خلال لقائها ببرنامج كلمة أخيرة: مهنة صيد العقارب دور جديد عليا، وعملتها من باب التجديد، وكنت عايزة أرجع للدراما اللي دايما بحلم بيها، وهو العمل اللي بيجمع مجموعة كبيرة من الفنانين، مش عمل واقف على ممثل واحد بذاته، وشوفت سيناريوهات كتير منها سيناريو لـ الكاتب الراحل أسامة أنور عكاشة، ولقينا عند دكتور باهر دويدار فكرة صيد العقارب من 10 سنين، وقولتله هو ده اختياري إن شاء الله السنادي.
وتابعت غادة عبد الرازق، متحدثةً عن حياتها الشخصية، حيث أعلنت على أنها تتعرض لانكسارات عديدة بحياتها، قائلة: بحب أخبي كسرتي عشان محدش يشمت فيا، وأنا عموما ست بيتوتية ولحظة الانكسار بختفي أكتر، واللي بيكسرني هو الفشل في الشغل، أعداء ممكن يحاربوني، أو حاجة تمس بنتي أو أهلي، والخيانة، وبتعرض طبعا لأزمات مادية كتير لأني عندي التزامات، ولما بفشل في أي عمل وده دخلي الأساسي، أكيد بيأثر عليا
أبطال مسلسل صيد العقارب
شارك في بطولة مسلسل صيد العقارب عدد من الفنانين، بجانب الفنانة غادة عبد الرازق، أبرزهم الفنان محمد علاء، رياض الخولي، سيمون، أحمد ماهر، أحمد سعيد عبد الغني، ميار الغيطي، أحمد ماجد، مجدي بدر، سامي مغاوري، عماد صفوت، منال سلامة، عماد رشاد، محمد علي رزق، وغيرهم، والعمل من تأليف باهر دويدار، وإخراج أحمد حسن.