استغاثت فتاة تدعى ياسمين يسري كانت مريضة بمرض السرطان، وطالبت بأن يكون هناك تأمين صحي لجميع الناجيين من السرطان ويكون بسعر بسيط لكي يستطيع كل مريض سرطان ان يعيش في سلام واطمئنان بعد شفاءه، لافتة ان بسبب الكيماوي يكون هناك اثار جانبية تضر المريض بعد التعافي.
وروت مشكلة مرت بيها وخوف وتوتر، ونشرت صورة لها عبر صفحتها الرسمية بموقع تبادل الصور والفيديوهات “إنستجرام”.
وعلقت قائلة: “الدكاترة كلهم أجمعوا اني بسبب العلاج الكيماوي و عملية زرع النخاع اني مقدرش انجب و لما دكتور طلب تحاليل Chromosomes علشان يعرف ان ممكن يكون في سبب وراثي قالي لأ، انتي كنتي سليمة و اكدلي انه بسبب العلاج’.
View this post on Instagram
وتابعت قائلة: “لما جيت اسيب شغلي علشان ظلم اتعرضتله كان أول سؤال اتسألته هتعملي ايه في التأمين الصحي و صحتك ، كان ردي ربنا موجود و ان شاء الله كله هيتدبر // حقي كناجية لمرض السرطان ان المجتمع حواليا يكون واعي و فاهم اننا بنعيش بأعراض جانبية دائمة ملناش يد فيها ، من حقي يكون ليا تأمين صحي يحافظ عليا و بيكنش بسعر عالي علشان انا بس تحت بند أمراض خطرة”.
وأشارت قائلة : “من حقنا يكون في احتواء ، من حقنا اننا نشتغل من غير الخوف من risk التأمين او اننا منقدرش نشتغل بكامل صحتنا، من حقنا نتجوز و نبني أسرة، من حقنا نستمتع بحياتنا لأن ربنا الوحيد اللى عالم الآلام اللى مرينا بها و مفيش حد ممكن يوصفها و لو حصل محدش هيصدقها”.
.
وكشفت ان امريكا تهتم بالناجين من مرض السرطان قائلة: “امريكا كل سنة اول يوم حد في شهر يونيو بتحتفل باليوم القومي للناجين من مرض السرطان ، ليه ؟ لأنهم يستاهلوا حياة احسن من الرحلة المؤلمة اللى مروا بها ، نفسي يكون لينا يوم في منطقتنا نحتفل به للناجين من مرض السرطان و اننا نقدر ندعمهم نفسيا و معنويا انهم يختلطوا مع المجتمع تاني ، رسالتي هتفضل علطول بحاول اوصلها حتى لو بس عن طريق مناصاتي بس مش هفقد الأمل ان في يوم اشوف حقوق ناجيين مرض السرطان موجودة”
اقرأ ايضاً..