حذر الدكتور محمد علام، نائب مدير مستشفى النجيلة فى مطروح، من الدعوات المنتشرة عبر صفحات التواصل الاجتماعي بعودة الحياة الطبيعية عقب نهاية شهر رمضان الكريم.
وقال الدكتور محمد علام ، عبر صفحته الرسمية بموقع “فيس بوك”، “رداً على دعوات عودة الحياه الطبيعيه وننزل العيد ، ده جزء من الفيديو اللى عرف الناس بيا بعد قفل المدارس فى اول مارس كان صادم شويه وعملى مشاكل كتيير احنا فى غنى عن التحدث عنها والناس قالت عليا انى حابب الظهور لكن ربنا اعلم بالنوايا مش البشر”.
وأضاف “يوم معملته كان عدد الحالات فى العالم لا يتعدى الـ 200 الف دلوقت 3 مليون وبيزيد ونسبه الوفيات العالميه كانت لا تتعدى ال 3% دلوقت من ٥ لـ ١٠ ٪ ومتحكومش على نسبه الوفيات دلوقت لسه بدرى علشان فى حالات بدون اعراض مش كل الدول طلعتها الصين نفسها بدئت تطلعها بعد انتهاء الازمة، لسه الموضوع فى ايدينا نخرج باقل الخسائر”.
وتابع، “مفيش وباء بينزل بتاشيره خروج هكون عارف هيخرج امتى، مفيش وباء حصل فى التاريخ انتهى خلال شهرين السارس فضل سنتين الميرس فضل لحد دلوقت والاتنين نفس عيله الكوفيد”.
واصل الدكتور محمد علام تصريحاته قائلاً، “دعاوى ان الناس تخرج فى العيد هتتسبب فى كارثه والله العظيم كارثه ومش هناخد بالنا منها غير بعد فوات الاوان، اى وباء بتكون الهجمه الاشرس لما الناس بدئت تطمن زياده عن اللزوم واهملت ساعتها بيبقى قاتل للملايين رهان مناعه القطيع فاشل وهتكلم فى فيديو عليه قريب، اللهم بلغت اللهم فشهد اللهم بلغت اللهم فشهد”.